1 MAKORINTIYO 9:26 - Ha`bari Ndjema ya I Maore

²⁶ Ha izo, wami nisurema mbio, ɓadi tsi mbio za ɓanaraju; nisuvutsa tsoma, ɓadi tsisuzivutsa hawani.

1 MAKORINTIYO 9:26 ပူးပေါင်းရင်းမြစ်များ

MATIYO 11:12

Rangu wakati wa Yahaya ata upara av̄asav̄anu, Utawalizi wa Monyewe ziMbingu usungiliwa ha nguvu, na watru wahali ɗe wadjereɓuo uurav̄a.

LUKASI 13:24

«Namufanye djitihadi ya ungia ha uv̄ira hari mwa umulongo mutsala, mana nisumuambiani, wengi watsodjereɓu ungia, ne kawatsoshindra.

1 MAKORINTIYO 14:9

Ɗe namuna iyo wajau wanyu. Neka ulimi wanyu kausurongoa kauli yarahara, ɓasi ha namuna jeje ishitru yarongolwa itsojulihanao? V̄av̄o itsoka amba musulagua tu hawani.

2 MAKORINTIYO 5:1

Mana wasi risujua amba neka liɓanga la haima lini riliketsiao ulemenguni v̄anu liangamidziwa, rina pev̄oni v̄ahanu v̄wa uketsi v̄wafanyiwa na Mungu, makazi ya daima kayafanyiwa ha yimihono ya wanadamu.

2 MAKORINTIYO 5:8

V̄av̄o rina tama, tsena risuona ɓorwa rilawiye hari mwa umwili, ne rike ha Raɓi.

MAGALATWIYA 2:2

Tsihea ɓaanda napara muv̄enulio. Tsiwaeledza iIndjili niijudzao ha watru wa zinishani zangina kazimuji Mungu; tsiieledza ha faraha ha wao wakoonehana amba makizi-mbeli, ha uria amba mbio niziremao au nazirema, zasuke za ɓanaraju.

MAEFESO 6:12

Mana tsi kinyume na damu na nyama ɗe riwanao, ɓadi kinyume na zingutawalizi, ziyezi, zinguvu zashilidza zitawalao hari mwa ulemengu wa shidza unu, tsena kinyume na djeshi ɓovu la roho lilio mbinguni.

MAFILIPI 1:21

Mana hanguju uhayati wangu ɗe Kristi, na ufa, uwo tanafu.

MAKOLOSIYA 1:29

Ɗe ha siɓaɓu ya iyo ɗe nidzirumao ha usongefu, ha zinguvu zahe zirendrao moni hangu v̄umoja na ushindzi.

2 TIMUTAUSU 1:12

Na iyo ɗe imana ata niparwao na maondo yanu, ɓadi tsisuyaonea haya, mana nisujua uwo namuamini, tsena tsina yakini amba ana ushindzi wa usika iyo nadhwaminishiwayo ata mupaka Suku iyo.

2 TIMUTAUSU 2:5

Na mushindranizi kahishimiwa neka kashindrana ha uɗunga ziSharia.

2 TIMUTAUSU 4:7

Tsiwana ikondro ndjema, tsimalidza umwendro, tsisiki uaminifu.

MAHEƁRANIYA 12:1

Ɓasi ha izo wasi wajau, iv̄o razingidziwa na vingu ɓole namuna iyo la mazahidi, naritruwe kula mudzo na lidhambi liriv̄ambanisao ɓure-ɓure tu, amwesa rendre mbio v̄umoja na ustahamilivu hari mwa yamashindrano ralishiwayo.

MAHEƁRANIYA 4:1

Ɓasi iv̄o raha uwahadi wa ungia hari mwa uv̄umuzi wahe ulio v̄av̄o, narifahamu v̄usuke ata moja mengoni mwanyu amba kaupara,

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

2 MONYE 1:10

Ha izo wananyangu, namufanye djitihadi zaidi muyakinishe umuhirio na umutsahulio mwadjaãliwa. Mwamofanya izo, dahari kamutsopuliha.