1 MAKORINTIYO 9:22 - Ha`bari Ndjema ya I Maore

²² Ha tsi wahodari tsifanyishiha tsi muhodari, ile nipare wao tsi wahodari. Tsidzifanya kula namuna ha piya, ile ha kula namuna nihuyi ɓaãdhwi.

1 MAKORINTIYO 9:22 ပူးပေါင်းရင်းမြစ်များ

MAROMU 11:14

ile neka trongo mukinishiha, nitsotse uwivu wa wao walio kaɓila moja na wami, tsena nihuyi wasalia mengoni mwawo.

MAROMU 14:1

Namurenge ha uzuri uwo kasina uaminifu muhodari, wala musushindrane yahusu fikira zahe.

MAROMU 14:2

Mauri v̄wa aaminio amba atsojua aɗye kula shitru, v̄wa wangina amba uaminifu wahe kausi muhodari, kaɗyi neka tsi mafeliki.

MAROMU 15:1

Wasi rilio wahodari, rilazimu rireme ɓega udziro wa wale kawasi wahodari, wala tsi ha udzijiv̄idza wasi wenyewe.

MAROMU 15:2

Kula moja hari mwasi najiv̄idze munyawe ha indjema, ile pare ahodarishihe.

1 MAKORINTIYO 10:33

mauri ɗe wami wajau namuna nitsahao nijiv̄idze piya watru hari mwa piya zitrongo, wala tsi ha utsaha faida yangu monyewe, ɓadi ya uwengi, ile wahuyiwe.

1 MAKORINTIYO 7:16

Wawe mutrumushe, usujua jeje neka utsohuyi mume waho? Na wawe mutrumume, usujua jeje neka utsohuyi mushe waho?

1 MAKORINTIYO 8:13

Iyo ɗe imana ata neka shahula isukwalisa umwananya muaminifu wangu, tsisina tsena suku nitsoɗyao nyama, pare nasukwalise mwananyangu.

1 MAKORINTIYO 9:19

Wala ukana amba tsina unafasi mbeli za piya, tsidzifanya murumwa wa piya, ile nivune ha uwengi zaidi.

1 MAKORINTIYO 9:23

Nisufanya piya zini ha siɓaɓu ya iIndjili, ile nipare fungu hari mwayo.

2 MAKORINTIYO 11:29

Ɓasi mbani alio mulemevu ata amba wami nasuke mulemevu? Mbani ɗe akwalisiwa ata amba nasuvuwe iroho?

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.