1 MAKORINTIYO 9:18 - Ha`bari Ndjema ya I Maore

¹⁸ Ɓasi shiliv̄o yangu ɗe iv̄i? Ɗe wami utamania ɓure-ɓure iIndjili niijudzao, wala tsi ha urumia ukamilifu wa zihaki nastahikiwa hari mwa iIndjili iyo.

1 MAKORINTIYO 9:18 ပူးပေါင်းရင်းမြစ်များ

YUHANI 4:36

Monyewe uvuna madza asupara mwadjara, asungulidza mavuna ya uhayati mukamilifu wa daima, pare ule ayelao na ule avunao, wafurahi v̄umoja.

MAV̄INGIZI-RISALA 18:3

na ha iv̄o wakana muhono wa hazi moja, aketsi na wao, wafanya hazi v̄umoja. Waka wafanyizi wa nyumba za haima.

MAROMU 14:15

Neka ha siɓaɓu ya shahula usutria utungu roho ya mwananya muaminifu, v̄av̄o kusuɗunga tsena indzia ya mahaɓa. Usutsonge ha ishahula yaho uangamifu wa uwo alio amba Kristi afu ha umukomboa.

1 MAKORINTIYO 10:33

mauri ɗe wami wajau namuna nitsahao nijiv̄idze piya watru hari mwa piya zitrongo, wala tsi ha utsaha faida yangu monyewe, ɓadi ya uwengi, ile wahuyiwe.

1 MAKORINTIYO 3:8

Ule ataɓuo na ule atriao maji, wao sawa, na kula moja atsopara thawaɓu yahe ulawana na ihazi yahe monyewe.

1 MAKORINTIYO 7:31

na wao warumiao za shi ulemengu, nawake mauri kawakozirumia. Mana ulemengu unu namuna ulio, usuv̄ira.

1 MAKORINTIYO 8:9

Ɓadi namudzitahadharishe ile unafasi wanyu usuke siɓaɓu ya ukwalisa wao kawasi wahodari.

1 MAKORINTIYO 9:12

Neka wasalia wana ruhusa ya upara fungu hanyu, ɓasi wasi karisinayo zaidi rahana wao? Ɓadi kararumia ruhusa iyo. Ɗe ikinyume, risustahamili piya ile rasutriye kale iIndjili ya Kristi.

1 MAKORINTIYO 9:15

Ɓadi wami tsarumia ata moja hari mwa ruhusa zile, wala tsaangiha trongo zini amba pare nizidayi. Mana nisuona amba ɓorwa nife rahana wami utolewa isiɓaɓu ya sifa mauri ɗe ini.

1 MAKORINTIYO 9:17

Na djeli nakoifanya ha matamani yangu, natsotumainia shiliv̄o, ɓadi neka nisuifanya tsi ha matamani, v̄av̄o nisutsimidza urumishi nadhwaminishiwawo.

2 MAKORINTIYO 4:5

Kweli amba tsi ɗe wasi wenyewe ɗe ridzijudzao; risumujudza Insa-Kristi amba waye ɗe Raɓi, na wasi ra warumwa wanyu ha siɓaɓu ya Insa.

1 MATESALONIKA 2:6

Karakotsaha sifa zalawa ha wanadamu, tsi ha wanyu, wala tsi ha wangina.