1 MAKORINTIYO 8:13 - Ha`bari Ndjema ya I Maore

¹³ Iyo ɗe imana ata neka shahula isukwalisa umwananya muaminifu wangu, tsisina tsena suku nitsoɗyao nyama, pare nasukwalise mwananyangu.

1 MAKORINTIYO 8:13 ပူးပေါင်းရင်းမြစ်များ

MATIYO 17:27

Ɓadi pare rasutukize watru, shuka ɓaharini, wavutse imisi yaho, ulowe ifi ya handra itsojao; iɓuwe ihanyo, utsopara turuturu ya fedha moni; uirenge wendre wawav̄eyo, ike ushuru wangu na waho.»

MAV̄INGIZI-RISALA 15:20

Ɓadi nariwaangishiye amba wadziziye udzinagisisha na yotsi ilio amba ihusu masanamwe, wadziziye na zitaɓia mbi za shahawa, wasuɗye zinyama zaulawa ha uɓalwa pumu, wala damu.

MAROMU 14:13

Ɓasi rasunamuwane tsena wasi na wasi, ɓadi v̄av̄o namurenge ãzima amba mwasuke siɓaɓu ya ukwalisa munyawe, au ya umutria hari mwa dhambi.

MAROMU 14:21

Iyo ndjema neka mutru kasuɗya nyama, kasunwa maji ya zaɓiɓu, tsena asudziɓalidza na kula shitru itsokwalisao munyahe.

1 MAKORINTIYO 10:32

Musuke siɓaɓu ya ukwalisa, tsi ha Magiriki, wala tsi ha Mayahudi, wala tsi ha iDjama Ndziwaminifu ya Mungu,

1 MAKORINTIYO 10:33

mauri ɗe wami wajau namuna nitsahao nijiv̄idze piya watru hari mwa piya zitrongo, wala tsi ha utsaha faida yangu monyewe, ɓadi ya uwengi, ile wahuyiwe.

1 MAKORINTIYO 13:5

kairendre kayalazimu, kaitsaha tanafu yayo, kaidzijadza hasera, kaisiki mbovu rohoni,

1 MAKORINTIYO 6:12

V̄wa warongoao: «Tsiruhusiwa piya.» Ɓadi tsi piya ɗe ziliona mana na mutru. Kweli amba tsiruhusiwa piya, ɓadi hanguju wami, tsitsodzilisha natawaliwa na itsokao yotsi.

1 MAKORINTIYO 9:12

Neka wasalia wana ruhusa ya upara fungu hanyu, ɓasi wasi karisinayo zaidi rahana wao? Ɓadi kararumia ruhusa iyo. Ɗe ikinyume, risustahamili piya ile rasutriye kale iIndjili ya Kristi.

2 MAKORINTIYO 11:29

Ɓasi mbani alio mulemevu ata amba wami nasuke mulemevu? Mbani ɗe akwalisiwa ata amba nasuvuwe iroho?

2 MAKORINTIYO 6:3

Wasi karisuv̄a ata mutru siɓaɓu itsokao yotsi ya umukwalisa, pare ihazi ya urumishi yatru yasuparihwane na kosa.