1 MAKORINTIYO 7:9 - Ha`bari Ndjema ya I Maore

⁹ Ɓadi neka kawashindri udzizia, ɓasi nawafanye ndrolo. Ɓadi hairi ya ndrolo rahana uvua ha shahawa.

1 MAKORINTIYO 7:9 ပူးပေါင်းရင်းမြစ်များ

MAV̄INGIZI-RISALA 19:36

Ɓasi rangu kav̄u ata mutru ashindrao ahane trongo zizo, fidjo lanyu trini? V̄av̄o ilazimu muɓurihe, mutahadhari, mwasufanye trongo zatupa mupaka.

1 MAKORINTIYO 7:2

Ɓadi ha utrala taɓia za shahawa kazalazimu, kula mutru nakane mushe wahe, na kula mutrumushe ake na mume wahe.

1 MAKORINTIYO 7:28

Ɓadi neka ulola, v̄av̄o kwaãswi. Na neka mutrumushe-mwanamutsa asulodzwa, v̄av̄o kasuãswi. Ɓadi wao walio hari mwa ndrolo, watsoparwa na taãɓu maẽshani hawo; na wami natsov̄endza nimuhifadhwini nazo.

1 MAKORINTIYO 7:36

Neka mutru asufikiri amba asudziv̄inga ha namuna kayalazimu mbeli za mutsumba wahe neka kasushindra adzizia na ushauku wahe, ata asuona amba ɓorwa angiye hari mwa ndrolo, ɓasi nafanye trongo aitsahao; v̄av̄o kasuãswi, nawangiye ndroloni.

1 MAKORINTIYO 7:39

Mutrumushe ufungamana na mume wahe piya uwakati mume wahe alio hayi. Ɓadi neka umutrumume aja afu, v̄av̄o ana nafasi ya ungia ndroloni na yotsi atsahao, naike tu amba uwo mwendza uaminifu na Raɓi.

1 MATESALONIKA 4:4

Kula moja hari mwanyu najuwe asike umwili wahe ha shi utwaharifu na hishima,

1 TIMUTAUSU 5:11

Ɓadi usukuɓali hari mwa uurdhwa watruwashe wafiliwa waliona maha mishashi, mana neka ngushauku zawo zisuwaɓausa na Kristi, wao utsaha wangiye hari mwa ndrolo;

1 TIMUTAUSU 5:14

Ha izo natsov̄endza watruwashe wa maha mishashi wafiliwa walolwe, wadze, wasike ha uzuri miraɓa yawo, ile wasuv̄e iãduwi shisa itsokao yotsi ya urilagua ha unayi.