1 MAKORINTIYO 7:34 - Ha`bari Ndjema ya I Maore

³⁴ Na v̄av̄o fikira zahe uanisiha. Na mutrumushe kalolwa, mauri mutrumushe-mwanamutsa, udzishuhulisa na trongo za Raɓi, ile wake watwaharifu wa mwili na wa roho. Na uwo alio hari mwa ndrolo udzishuhulisa na trongo za shi ulemengu, na inamuna ya umujiv̄idza mume wahe.

1 MAKORINTIYO 7:34 ပူးပေါင်းရင်းမြစ်များ

YUHANI 10:13

Mutru ule utrala, mana awadjiriwa, wala yamaɓariɓari kayamutria shuhuli.

MAROMU 6:13

Wala musuv̄elehe ziga za mwili zanyu zarumishia dhambi, zarendreha zombo za mbovu. Ɓadi namudziv̄e wanyu-wanyu mumurumishiye Mungu, amba watru mulio hayi mwalawa hari mwa ufa, tsena muv̄e ziga zanyu zike zombo zimurumishiao Mungu, zifanye zilio za haki.

1 MAKORINTIYO 6:20

Mununulwa ha thamani. Ɓasi namumutukuze Mungu mwilini hanyu.

1 MAKORINTIYO 7:33

Na uwo alio hari mwa ndrolo, udzitria hamu na trongo za shi ulemengu, na inamuna ya umujiv̄idza mushe wahe.

1 MAKORINTIYO 7:35

Nisurongoa izo ha tanafu yanyu, wala tsi ha utsaha nimuengedzeyeni ãmuri, ɓadi ile nimutriyeni ɓari mukane maendreleo yalazimu, tsena mudzifungamanise na Raɓi, wala tsi ha fikira zaanisiha.

2 MAKORINTIYO 11:28

Wala tsisurongoa zaɓaki, amba ushahilifu wa kula suku wangu, ihamu yangu ha piya ziDjama Ndziwaminifu.

2 MAKORINTIYO 8:16

Mungu nahimidiwe, Monyewe utria rohoni ha Titusa djitihadi moja na iyo rilionayo na wanyu.

MAFILIPI 1:20

Trongo naiv̄a matso ha kusudi niitumainiao, ɗe amba tsitsoona haya na itsokao yotsi, ɓadi nike na uhodari watsimu, amba rangu av̄asa ata ha daima, Kristi atsotukuziwa mwilini hangu, neka tsa hayi, au neka tsifu.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

1 TIMUTAUSU 3:5

Mana neka mutru kasushindra aendresa muraɓa wahe, ha namuna jeje atsoshindrao ahudumu iDjama Ndziwaminifu ya Mungu?

1 TIMUTAUSU 5:5

Mutrumushe afiliwa wa kweli alio amba aɓaki weke, ahetsi tama yahe ha Mungu, amwesa waye uendrelea ha hadja na mamilio uku na mutsana.

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.