1 MAKORINTIYO 7:11 - Ha`bari Ndjema ya I Maore

¹¹ Na neka alawana na waye, naɓaki ɓila ulolwa, au, naswilihishane na mume wahe. Na mutrumume asulawane na mushe wahe.

1 MAKORINTIYO 7:11 ပူးပေါင်းရင်းမြစ်များ

MATIYO 5:32

Ɓadi wami nisumuambiani amba mutru yotsi afunguao mushe wahe wala tsi amba afanya uzindzi, ata aja alolwa na wangina, v̄av̄o asumuzanisa; na mutru yotsi afungiao mutrumushe afungulwa, uwo tsena ne asuzani.»

MARKUSI 10:12

Na tsena, neka mutrumushe alishi mume wahe, andre alolwa na wangina, v̄av̄o asufanyia dzingo.»

MARKUSI 10:2

Ɓas, ɓaãdhwi ya watru wa ishama ya Mafarisayo waja ile wamudjereɓu. Wamudzisa neka iruhusiwa mutruɓaɓa afunguwe mushe wahe.

LUKASI 16:18

Mutru yotsi afunguao mushe wahe amwesa afungiye wangina, uwo asuzani, na yotsi afungiao mutrumushe afungulwa na mume wahe, asuzani.»

1 MAKORINTIYO 7:10

Ha wao walio hari mwa ndrolo, nisuwav̄a ãmuri ini, wala iyo tsi wami, ɓadi Raɓi: Mutrumushe asulawane na mume wahe.

1 MAKORINTIYO 7:12

Ha uwasalia nisurongoa, tsi ɗe Raɓi, ɓadi ɗe wami: neka mwananya muaminifu ana mutrumushe tsi muaminifu, tsena akuɓali uẽshi v̄umoja na waye, ɓasi asumufunguwe.