1 MAKORINTIYO 6:11 - Ha`bari Ndjema ya I Maore

¹¹ Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

1 MAKORINTIYO 6:11 ပူးပေါင်းရင်းမြစ်များ

MATIYO 20:4

Awaambia: ‹Wanyu namwendre wajau hari mwa ishunga ya mizaɓiɓu yangu, ne nitsomuliv̄ani yalazimu.›

LUKASI 18:14

Ɓasi nisumuambiani, mutru unu aregea hahe amba akuɓaliwa mbeli za Mungu rahana moja ule. Mana yotsi adzihedzao, atsoshukidziwa, na uwo adzishukidzao, atsohedzewa.»

YUHANI 13:10

Wakati ule Insa amuambia: «Mutru amohoa ahisa, uɓaki tu ɗe waye uhosa yimindru, mana piya umwili wahe wa murahafu. Na wanyu mwa warahafu, ɓadi tsi piyanyu.»

YUHANI 13:8

Monye amuambia: «Ata hata, kav̄u suku utsonihosao yimindru!» Sa ile Insa amudjiɓu: «Neka tsahuhosa, kusina fungu na wami.»

YUHANI 5:4

Mana v̄uka malayika yakoka na ushuka ɓirikani v̄ale na ugudzusa yamaji; yotsi akoshuka wa handra majini v̄ale ɓaanda ya umugudzuho, akozihiriha uwaɗe yotsi akanawo.]

MAV̄INGIZI-RISALA 13:39

Na ha waye tsena ɗe kula mutru aaminio uhakishiwa na piya zilio amba ha ndzia ya iSharia ya Musa, kamwashindra mwahakishiwazo.

MAV̄INGIZI-RISALA 22:16

Ɓasi av̄asav̄anu usulindra trini? Hima, uɓaĩshiwe|uɓaĩsha, urahatsiwe madhambi yaho ha uomba lidzina la Mola.›

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAROMU 3:24

Ɓadi ha ineema yahe, Mungu awadjaãlia muhakisho mbeli zahe, ɓila muliv̄io, ha ndzia ya ukombofu ulio ha Insa-Kristi.

MAROMU 4:5

Na mutru alio amba katria uaminifu wahe hari mwa zitrendro, ɓadi ɗe ha Mungu Monyewe ahakishao waovu, uaminifu wahe urengwa amba muhakisho.

MAROMU 5:1

Ɓasi ha iv̄o rihakishiha mbeli za Mungu ha uaminifu watru, v̄av̄o ripara amani haheju ha ndzia ya Raɓi watru Insa Kristi.

MAROMU 5:9

Ɓasi av̄asa ha iv̄o rahakishiha mbeli za Mungu ha idamu ya Kristi, izidi urahara amba atsorikomboa na hadhaɓu za Mungu.

MAROMU 8:30

Na wao awahetsi rangu kaɓula, awahiri wajau; na wao awahira, awahakisha wajau; na wao awahakisha, awatukuza wajau.

MAROMU 8:33

Mbani ɗe atsosingidziao wao watsahuliwa na Mungu? Mungu waye ɗe ahakishao!

1 MAKORINTIYO 1:2

risumuangishiani wanyu iDjama Ndziwaminifu ya Mungu ilio Korintiyo, watru watwaharishiwa hari mwa uv̄umoja na Kristi-Insa, wahiriwa wake twahara v̄umoja na piya wao waombao hari mwa kula mukaɓala lidzina la Raɓi watru Insa-Kristi, Raɓi wawo amma watru.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 12:2

Musufahamu amba wakati kamwakomujua Mungu, mwakopotezewa na uv̄ingwa muãɓudu masanamwe ɓuɓu.

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAGALATWIYA 3:11

Na tsena irahara amba kav̄u ahakishao mbeli za Mungu ha ndzia ya iSharia, mana v̄uangihwa: «Monyewe uhakikishiwa ha uaminifu, atsoẽshi.»

MAGALATWIYA 3:24

Ha izo, iSharia ika mulezi watru ata umujilio wa Kristi, ile rikuɓalishihe ha uaminifu.

MAGALATWIYA 3:8

Tsena iv̄o uMuangishio Mutwaharifu waona rangu kaɓula amba Mungu atsokuɓali watru tsi Mayahudi ha uaminifu wawo, ɗe wamujudza Iɓrahima ihaɓari ndjema iyo amba: «Piya zinishani zitsoɓarikishiha ha indzia yaho.»

MAEFESO 5:26

ile aitwaharishe ɓaanda airahatsa na maji ha Urongozi,

MAEFESO 5:8

Kweli amba hale hule muka shidza, ɓadi av̄asa, mwa heu ha uv̄umoja wanyu na Raɓi. Ha izo namuẽshi shi watru wa heu,

2 MATESALONIKA 2:13

Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro mupare ukombofu ha iRoho itwaharishao na ha uaminifu wa ukweli.

MAHEƁRANIYA 10:22

V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.

MAHEƁRANIYA 10:29

Ɓasi mara ngav̄i, musufikiri, utsokao udziro wastahiki ishiv̄ondro ya uwo itsokao amba agaɗa uMwana wa Mungu, atefua idamu ya umukataɓa ilio amba ha wiyo atwaharishiwa, aruhana iRoho ya irehema?

MAHEƁRANIYA 2:11

Mana Monyewe atwaharishao na wao watwaharishiwao, wana koho moja. Iyo ɗe imana ata kasuona haya ya uwahira amba wananyahe

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 3:21

Na iyo ika mufano wa umuɓaĩsho umuhuyioni leo ini, muɓaĩsho ulio amba kausutoa tsama za umwili, ɓadi ulio miyadi mbeli za Mungu ha roho yarahara. Na uhuyifu uwo uparihana ha umuregezeo hayi wa Insa-Kristi,

1 YUHANI 2:12

Nisumuangishiani wana wangu, mana madhambi yanyu yaswamihiwa ha siɓaɓu ya lidzina lahe.

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MUV̄ENULIO 7:14

Tsimudjiɓu: «Mutukufu, wawe usujua.» Amwesa aniambia: «Wao ɗe walawao hari mwa lidjondo ɓole. Wafua nguo zawo, wazifanya ndjeu hari mwa idamu ya uMwana Ɓariɓari.