1 MAKORINTIYO 5:8 - Ha`bari Ndjema ya I Maore

⁸ Ɓasi v̄av̄o narifanye umusherehio, ɓila tsi na lalive ya zamani, wala tsi na lalive ya uovu na upeu, ɓadi na madipe kayana lalive ya uraharifu na ukweli.

1 MAKORINTIYO 5:8 ပူးပေါင်းရင်းမြစ်များ

MATIYO 16:12

V̄ale ɗe waelewa iv̄o amba kakowafahamisha na ilalive ya madipe, ɓadi ɗe umusomo wa Mafarisayo na Masadukayo.

MATIYO 16:6

Insa awaambia: «Namudzifahamishe, tsena mutahadhari ilalive ya Mafarisayo na ya Masadukayo.»

MARKUSI 8:15

Ɓas, Insa awav̄a mufahamisho unu: «Namudzitahadharishe ha kusudi na ilalive ya Mafarisayo na ya Hirudu.»

LUKASI 12:1

Moni v̄ale v̄uka v̄ungulidzana mialifu na mialifu ya wanadamu, ha namuna amba ata wakogaɗana. V̄ale Insa arenge umurongo, aambia ɗe maswihaɓa yahe: «Kaɓula ya trongo piya, namudzifahamishe na ilalive ya Mafarisayo, ilio amba ɗe unafiki.

YUHANI 1:47

Wakati Insa amuona Natanaeli iv̄o akomujilia, arongoa ju lahe: «Tsunu Muisraila wa kweli, alio amba haheju kav̄u udjandja.»

1 MAKORINTIYO 3:3

Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

1 MAKORINTIYO 5:1

Na v̄anu v̄usurongolwa kula v̄ahanu amba v̄wa shahawa endza ulaãnifu hari mwanyu, aina ya shahawa ilio amba kaiparihwana ata ha watru wa zinishani zangina kazimuji Mungu, ha namuna amba moja hari mwanyu a na umutrumushe wa ɓaɓahe.

1 MAKORINTIYO 5:6

Kaina ata mana wanyu udziona. Hali kamusujua amba mwana lalive mutiti ushindra afumuwe piya uunga wa muhare?

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

2 MAKORINTIYO 2:17

Mana wasi karisi mauri watru wengi wafanyao ɓiashara urongozi wa Mungu; tsi jau, ɓadi ha umo warahara mbeli za Mungu, hari mwa uv̄umoja watru na Kristi, ɗe rilaguao amba watru wav̄elehwa na Mungu.

2 MAKORINTIYO 8:8

Wala tsisurongoa iyo amba ãmuri, ɓadi ha uvumbua idjitihadi ya wasalia, nisumuv̄ani ifurswa ya udhiɓitisha ukweli wa uv̄endza yanyu.

MAEFESO 6:24

Urehema nauendreleye ha piya wamuv̄endzao Raɓi watru Insa-Kristi ha uv̄endza kaukomo.

1 MONYE 4:2

ile aẽshi tsi ha zingushauku za wanadamu, ɓadi ha uɗunga yamav̄endzeleo ya Mungu hari mwa uwakati wamuɓakia aẽshi hari mwa umwili.