1 MAKORINTIYO 5:5 - Ha`bari Ndjema ya I Maore

⁵ namuv̄elehe mutru uwo ha Shetwani, ile ihali ndziãswifu yahe iangamidziwe, na iroho yahe ihuyiwe isuku ya umujilio wa Raɓi.

1 MAKORINTIYO 5:5 ပူးပေါင်းရင်းမြစ်များ

MATIYO 4:10

Sa ile Insa amuambia: «Lawa v̄anu Shetwani! Mana v̄uangihwa: ‹Utsomuãɓudu Mwalaho Monyezi Mungu, na umurumishia ɗe waye tu ɓas.› »

LUKASI 22:31

Amwesa Raɓi arongoa: «Monye, mudjemazangu Monye, nisuhuambia, Shetwani atsaha amusekweni, mauri mutru av̄erao mele.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

1 MAKORINTIYO 11:32

Ɓadi ramonamulwa na Raɓi, v̄av̄o risuv̄ondrwa, ile rasuhukumulwe v̄umoja na ulemengu.

1 MAKORINTIYO 5:13

Wao walio v̄ondze, Mungu ɗe atsowanamuao. V̄uangihwa: «Namutowe umovu hari mwanyu.»

2 MAKORINTIYO 10:6

Tsena wasi ra tayari ya uv̄ondra kula shitrendrwa kaisi twaã, wakati itsokao amba utuĩvu wanyu wa mukamilifu.

2 MAKORINTIYO 12:7

Na ha iv̄o miv̄enulio yiyo yaka ya midjuza, ha uniɓalidza wami udziɓua, tsika tsitriliwa muɓa moni na umwili, wakala wa Shetwani amba anireme, ile nasudziɓuwe.

2 MAKORINTIYO 13:10

Iyo ɗe imana ata iv̄o tsisi v̄umoja na wanyu niangihao zizo, ile pare wakati nitsokao, ike amba tsi paka nirumiye uhali walingana na iyezi Raɓi aniv̄a amba ya uhodarisha, ɓadi tsi ya uangamidza.

MAFILIPI 1:6

Tsina yakini na itrongo ini, amba Monyewe uandrisa hazi ndzuzuri iyo moni hanyu, atsoendrelea ha uikamilisha mupaka isuku ya umuregeo wa Kristi-Insa.

1 TIMUTAUSU 1:20

Hari mwawo ɗe Himeni na Alisandrusa, walio amba tsiwajeledzea Shetwani, ile wafundrihe wasukufuru.

2 TIMUTAUSU 1:18

Raɓi namudjaãliye upara urehema ha Mola iSuku iyo. Wawe-wawe usujua ha uzuri kiasi anirumishia Efeso.

2 MONYE 3:12

ɗe mwalazimu mulindre na ujisa ha upesi iSuku ya Mungu, ilio amba zimbingu zivuao zitsoangamia, na zitru za ãswili zitsolalusiwa ha moro.

1 YUHANI 5:16

Neka mutru asuona munyahe wa shi uaminifu afanyao dhambi kaliv̄ingi hari mwa ufa, nafanye mamilio, na v̄av̄o Mungu atsov̄a uhayati mwananya uwo. Iyo isurongoa ɗe wao wafanyao madhambi yalio amba kayav̄ingi hari mwa ufa. V̄wa dhambi liv̄ingao hari mwa ufa. Tsi ɗe lilo ɗe nirongoao amba mutru amiliye.