1 MAKORINTIYO 4:5 - Ha`bari Ndjema ya I Maore

⁵ Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

1 MAKORINTIYO 4:5 ပူးပေါင်းရင်းမြစ်များ

MATIYO 10:26

«Ɓasi musuwariye. Kav̄usi yadzama ilio amba kaitsov̄enuha, wala ya siri kaitsojulihana.

MATIYO 24:30

V̄av̄o iãlama ya uMwana wa Mwanadamu itsov̄enuha mbinguni, na piya zikaɓila za shiv̄andreju mwa tsi zitsodzilaumu, wamoona uMwana wa Mwanadamu iv̄o atsojao hari mwa yamavingu ya uwinguni, ha ushindzi na utukufu muɓole.

MATIYO 24:46

Aɓarikishiha murumizi uwo murumisa wahe amoregea ɗagoni, atsomuparao amba ashahiliha na hazi zahe.

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MATIYO 25:23

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

LUKASI 6:37

«Musulaumu, na wanyu kamutsolaumiwa; musuisiye, na wanyu kamutsoisiwa; namuswamihi, na wanyu mutsoswamihiwa.

YUHANI 21:22

Insa amudjiɓu: «Neka nisutsaha aɓaki ata wakati nitsoregeao, shuhuli yaho trini? Wawe, niɗunge.»

YUHANI 21:23

Rangu v̄ale, zihaɓari zienea hari mwa uwananya wa uaminifu amba swihaɓa lile kalitsofa. Na v̄ale Insa kaka amuambia Monye amba swihaɓa lile kalitsofa, ɓadi amba: «Neka nisutsaha aɓaki ata wakati nitsoregeao, shuhuli yaho trini?»

YUHANI 5:44

Ha namuna jeje mutsoshindrao muamini, wanyu murengao sifa zanyu wanyu ha wanyu, ne kamusutsaha mwapara sifa yalawa ha Mungu kana wa v̄ili?

MAROMU 14:4

Wawe ɗe mbani ata unamuao murumishi wa mutru wangina? Neka amba ahimi hari mwa urumishi wahe, au awu, yao mashuhuli ya umurumisa wahe. Na waye atsosimamia uhima, mana Mola ana ushindzi wa umusimamisa.

MAROMU 2:1

V̄av̄o ɓasi, kusina muswamaha, wawe mutru yotsi unamuao wanyaho. Mana wamonamua wanyaho, v̄av̄o usudzihukumu ɗe wawe, mana wawe unamuao, usufanya ɗe wizo zile.

MAROMU 2:16

Iyo ɗe itsov̄enuhao, mauri iIndjili ini niijudzao irongoao, isuku Mungu atsohukumuo zisiri za wanadamu ha ndzia ya Insa Kristi.

MAROMU 2:29

Ɓadi uMuyahudi ɗe wa moni, na utahiriwa ɗe wa iroho, trongo ifanyiwao na iRoho Ndzitwaharifu, wala tsi ha ulingana na shitru yaangihwa. Sifa ya mutru mauri ɗe uwo kailawa ha wanadamu, ɓadi ha Mungu.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

1 MAKORINTIYO 1:7

Ha izo, wanyu kamwakosewa na neema itsokao yotsi hari mwa umulindrilio wanyu wa umuv̄enulio wa Raɓi watru Insa-Kristi.

1 MAKORINTIYO 11:16

Neka v̄wa mutru atsahao ashindrane na trongo iyo, wasi karisina udzevu wangina, ɓila tsena ziDjama Ndziwaminifu za Mungu.

1 MAKORINTIYO 11:26

Mana kula mwamoɗya dipe lini na unwa shinoa ini, musujudza ufa wa Raɓi, ata aje.

1 MAKORINTIYO 15:23

Ɓadi kula mutru atsoregezewa hayi ha wakati wahe: imimba ya handra ya uregezewa hayi ɗe Kristi, yaɗunga ɗe wao walio wa Kristi wakati atsov̄enuhao.

1 MAKORINTIYO 3:13

v̄av̄o hazi ya kula mutru itsoonehana, mana iSuku ya Hukuma itsoionesa. Itsov̄enulwa ha moro, na umoro ɗe utsotoao udhiɓitifu wa inamuna ya ihazi ya kula mutru.

1 MAKORINTIYO 3:14

Neka ihazi mutru aifanya uju na umusingi istahamili, v̄av̄o uwo atsopara thawaɓu.

1 MAKORINTIYO 3:8

Ule ataɓuo na ule atriao maji, wao sawa, na kula moja atsopara thawaɓu yahe ulawana na ihazi yahe monyewe.

2 MAKORINTIYO 10:18

Mana tsi ɗe ule adzisifuo ɗe akuɓalishihao, ɓadi ɗe ule Raɓi amusifuo.

2 MAKORINTIYO 10:9

Tsisutsaha naonehana mauri nisumurisidzani ha yamaɓarua yangu.

2 MAKORINTIYO 4:2

Risuhara trongo za siri zipatsao aĩɓu; karisudziv̄inga ha udjandja, wala karisuɓuzudza urongozi wa Mungu. Ɗe ikinyume amba, ha uvumbua ikweli, risudzieleha hari mwa likoho la unamuzi wa kula mwanadamu mbeli za Mungu.

2 MAKORINTIYO 5:10

Mana piyasi, ilazimu riv̄ire hari mwa mahakama ya Kristi, ile kula mutru apare zamulazimu ulawana na izo azifanya wakati aka hari mwa umwili, neka ndjema, au mbovu.

1 MATESALONIKA 5:2

Mana wanyu-wanyu musujua ha uzuri amba isuku ya Raɓi itsoja mauri mwidzi ukwari.

MAHEƁRANIYA 4:13

Kav̄u shiumbe yamudzamishia: piya zitru za wadzi-wadzi matsoni ha Uwo alio amba irilazimu ridzieledze.

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

YAKOƁU 5:7

Ɓasi wananyangu, namukane suɓira ata umujilio wa Raɓi. Namufikiri tu mulimizi namuna alindrao v̄umoja na suɓira yamavuna yendza faida ya ishiv̄andre ya tsi, rangu vua za handra ata za mwiso.

YAKOƁU 5:9

Mwasungurume wanyu na wanyu, wananyangu, pare mwasuhukumulwe. Tsuwo, hakimu ahimi mulongoju.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

2 MONYE 3:12

ɗe mwalazimu mulindre na ujisa ha upesi iSuku ya Mungu, ilio amba zimbingu zivuao zitsoangamia, na zitru za ãswili zitsolalusiwa ha moro.

2 MONYE 3:4

Ɓasi watsorongoa: «uWahadi wa mujilio wahe wa hav̄i? Mana rangu mida maɓaɓa yatru yafariki, kula shitru iɓaki mauri ɗe mwandroni mwa ulemengu.»

YUDA 1:14

Ɗe ha wao raha ɗe Henoki, shilembwe ata mara saɓa ya Adamu, ajudza ha marongozi ya shi mutrume ashukidziwa amba: «Tsuwo Mola asuja v̄umoja na watwaharifu mialifu na mialifu wahe,

MUV̄ENULIO 1:7

Tsuwo, asuja hari mwa mavingu na piya watsomuona, ata wao wamuforoa. Na piya zikaɓila za shiv̄andreju mwa tsi zitsoulula ha siɓaɓu ya waye. Ewa! Amina.

MUV̄ENULIO 20:12

Tsiono tsena uwafu, rangu waɓole ata watiti waka wahimi mbeli na ishiri ya ufalume. V̄uɓulwa zio, na shio yangina iɓulwa, ilio ɗe ishio ya uhayati. uWafu wahukumulwa ha uɗunga izo zaka zaangihwa moni na zizio ulawana na zitrendro zawo.