1 MAKORINTIYO 4:17 - Ha`bari Ndjema ya I Maore

¹⁷ Iyo ɗe imana nimuv̄elesheaoni Timutausu alio amba hari mwa uv̄umoja na Raɓi, waye mwana wangu muv̄endzewa, tsena muaminifu. Atsomunahanidzani maendreleo yangu hari mwa uv̄umoja na Kristi-Insa, mauri ɗe inamuna niyasomedzao kula v̄ahanu moni na kula Djama Ndziwaminifu.

1 MAKORINTIYO 4:17 ပူးပေါင်းရင်းမြစ်များ

MATIYO 24:45

«Uv̄i ɗe murumizi muaminifu mwendza hikima murumisa wahe amudhwaminisha muraɓa wahe, av̄e zahula watru wahe wakati walazimu?

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MATIYO 25:23

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MAV̄INGIZI-RISALA 16:1

Ɓaanda ya v̄ale Ɓaulusu andre ata Derɓi na Listra. Na hule v̄uka swihaɓa akohiriwa Timutausu, mwana mutruɓaɓa wa mutrumushe Muyahudi muaminifu, ɓadi ɓaɓahe kaka Muyahudi.

1 MAKORINTIYO 11:16

Neka v̄wa mutru atsahao ashindrane na trongo iyo, wasi karisina udzevu wangina, ɓila tsena ziDjama Ndziwaminifu za Mungu.

1 MAKORINTIYO 11:2

Nisumusifuni iv̄o muninahanao hari mwa piya zitrongo na usika yimisomo mauri ɗe inamuna namuv̄aniyo.

1 MAKORINTIYO 11:34

Neka v̄wa aliona ndza, naɗye hahe, ile ungulidzana yanyu, isumuv̄ingiyeni hukuma. Zaɓaki, nitsozirengeledza wakati nitsowaswilio.

1 MAKORINTIYO 14:33

Mana Mungu tsi Mungu wa fidjo, ɓadi Mungu wa utrulivu. Mauri ɗe hari mwa piya ziDjama Ndziwaminifu za watwaharifu,

1 MAKORINTIYO 16:1

Yahusu umutsango wa waaminifu, namufanye wajau mauri ɗe inamuna naambia ziDjama Ndziwaminifu za Galatwiya.

1 MAKORINTIYO 16:10

Timutausu amowaswili oho, namumurenge ha uzuri ha namuna amba asutaãɓihe, mana waye ufanya mauri ɗe wami hazi ya umurumishia Raɓi.

1 MAKORINTIYO 4:14

Tsi ha umuonesani haya ɗe niangihao trongo zini, ɓadi nisumutahadharishani mauri wana wav̄endzewa wangu.

1 MAKORINTIYO 4:15

Mana wala ukana mupara wav̄ingizi alifu kumi hari mwa uv̄umoja wanyu na Kristi, tsi amba muna maɓaɓa wengi. Mana hari mwa uv̄umoja wanyu na Kristi-Insa, wami ɗe namudzani ha ndzia ya iIndjili.

1 MAKORINTIYO 4:2

V̄av̄o, trongo itsahwao ha dhwamana, ɗe waye uka muaminifu.

1 MAKORINTIYO 7:17

Ɓadi kula mutru naẽshi na lifungu Raɓi amudjaãlia, ha ihali aka uhiriwa yahe na Mungu. Iyo ɗe niãmurishao hari mwa piya ziDjama Ndziwaminifu.

1 MAKORINTIYO 7:25

Ɓasi yahusu wao kawaparolola, na wao kawaparololwa, tsisina ãmuri ya Raɓi, ɓadi nisuv̄a fikira, wami nilio amba ha urehema wa Raɓi, tsistahiki uaminifu.

2 MAKORINTIYO 8:18

Risuv̄eleha v̄umoja na waye umwananya wa shi uaminifu alio amba isifa yahe ha izo afanya ha tanafu ya iIndjili ienea hari mwa piya ziDjama Ndziwaminifu.

MAEFESO 6:21

Ha wanyu wajau ujua inamuna nilio na iyo nifanyao, Tihikusa alio hari mwa uv̄umoja na Raɓi mwananya muv̄endzewa, tsena murumishi muaminifu, atsomujudzani piya zihaɓari.

MAFILIPI 2:19

Nisutumainia hari mwa uv̄umoja wa Raɓi Insa, nimuv̄elesheyeni Timutausu hari mwa muda wa tsi hale, ile wami-wami nitrilihe ɓari namopara haɓari zanyu.

MAFILIPI 2:22

Ɓadi musujua martaɓa yahe, namuna afanya hazi na wami mauri mwana na ɓaɓahe, ha uendresa mbeli iIndjili.

MAKOLOSIYA 1:7

Muupara ha Eɓafrasu, munyatru wa hazi muv̄endzewa, alio murumishi muaminifu wa Kristi ha tanafu yanyu,

MAKOLOSIYA 4:9

Nisumuv̄eleha v̄umoja na umwananya muv̄endzewa tsena muaminifu Onesimu, alio wa shi hanyu. Watsomujudzani piya zihidjirio hunu.

1 TIMUTAUSU 1:18

liSariɓu nihuv̄aolo mwana wangu Timutausu, ha uɗunga marongozi ya shi mutrume yashukidziwa nyuma oho yahuhusu wawe, ɗe amba ulawana na yao, uwane ikondro ndjema,

1 TIMUTAUSU 1:2

ha Timutausu, mwana wa kweli wangu hari mwa uaminifu: Neema, urehema na amani zilawao ha Mungu amma Ɓaɓa, na Kristi-Insa, Raɓi watru, nazihuendreleye.

2 TIMUTAUSU 1:2

ha Timutausu mwana wa shi uaminifu muv̄endzewa wangu: Neema, urehema na amani zilawao ha Mungu amma Ɓaɓa na Kristi-Insa, Raɓi watru, nazihuendreleye.

2 TIMUTAUSU 2:2

Na izo wazikia na wami mbeli za wengi wa mazahidi, zidhwaminishe ha watru waaminifu watsoshindrao wazisomedze wajau wangina.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

TITUSA 1:5

iMana ata nahulisha shisiwani Kireta, ɗe amba utriye ndziani izo zaka zaɓaki za urengeledza, tsena uhetsi waɓole hari mwa iDjama Ndziwaminifu ya kula ɗago, ha uɗunga zitaratiɓu nahuv̄a.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

MUV̄ENULIO 2:13

Nisujua v̄ahanu uẽshio: v̄av̄o ɗe v̄ulio ishiri ya yezi ya Shetwani. Ususika hodari lidzina langu, tsena kwalatsa uaminifu na wami, ata hari mwa zisuku Antipasi, shahidi muaminifu wangu akoulawa hanyu, v̄ahanu Shetwani aẽshio.