1 MAKORINTIYO 4:12 - Ha`bari Ndjema ya I Maore

¹² Risudziruma, risufanya hazi ha yimihono yatru. Ramoruhanwa, risusopelea; ramotreswa, risustahamili;

1 MAKORINTIYO 4:12 ပူးပေါင်းရင်းမြစ်များ

MATIYO 5:11

Furaha hanyuju neka wanadamu wasumuruhanani, wasumutresani, au wasumukadzani pandra la peu la kula namuna ha siɓaɓu ya wami.

MATIYO 5:44

Ɓadi wami nisumuambiani: Namuv̄endze maãduwi yanyu, [namuɓariki wao wamuapizaoni, murendre ndjema wao wamuengaoni,] na umilia wao wamutresaoni,

LUKASI 23:34

[Sa ile Insa arongoa: «Ɓaɓa, waswamihi, mana kawasujua trongo waifanyao.»] Waanyisa zinguo zahe ha ufanya kuria.

LUKASI 6:28

Namusopeleye wao wamuapizaoni, mumiliye Mungu wao wamurendreaoni mbovu.

YUHANI 15:20

Namunahane urongozi namuambianiwo: ‹Murumishi tsi muɓole rahana murumisa wahe.› Neka wanitrese, watsomutresani wajau. Na neka watuĩ urongozi wangu, watsotuĩ wajau wanyu.

MAV̄INGIZI-RISALA 18:3

na ha iv̄o wakana muhono wa hazi moja, aketsi na wao, wafanya hazi v̄umoja. Waka wafanyizi wa nyumba za haima.

MAV̄INGIZI-RISALA 20:34

Musuzijua wanyu-wanyu amba yimihono yangu yini ɗe yakoniparia zizo zakonilela, wami na wanyangu waka v̄umoja na wami.

MAV̄INGIZI-RISALA 7:60

Amwesa aroso malondro, ashelemedza ha ji lendza nguvu: «Mwalangu, usuwadjukumise lidhambi lilo.» Ɓaanda arongoa zile, afariki.

MAROMU 12:14

Namuɓarikishe wao wamutresaoni, muwamiliye ɓaraka, ɓadi musuwaapize.

MAROMU 12:20

Ɓadi tsena: «Neka ãduwi yaho isuona ndza, iv̄e shahula; neka isuona nyora, iv̄e ya unwa. Mana wamorendra namuna iyo, maha ya moro ɗe utsomungulidziao shitswani hahe.»

MAROMU 8:35

Mbani ɗe atsoritsapuao na uv̄endza wa Kristi? Hali itsoka ɗe taãɓu, au usongefu, au matreso, au ndza, au usikini, au hatwari, au upanga?

1 MAKORINTIYO 9:6

Au wami tu na Ɓarnaɓasi, ɗe rilio amba karisina ruhusa rasufanye hazi?

2 MAKORINTIYO 11:8

Ika mauri nakohiɓia ziDjama Ndziwaminifu zangina, iv̄o nakokuɓali waniv̄e shiliv̄o hari mwa ihazi ya umurumishiani.

MAEFESO 4:28

Uwo ahiɓao, asuhiɓe tsena; nadzirume ha ufanya hazi ya kweli ha mihono yahe monyewe, ile akane ya uv̄a uwo akosewa.

1 MATESALONIKA 2:9

Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.

2 MATESALONIKA 3:8

karaɗya ɓure-ɓure shahula ya mutru atsokao yotsi. Ha kinyume, ridzirumu ha utaãɓifu, rifanya hazi uku na mutsana, ile rasuke djukumani ha mutru atsokao yotsi hari mwanyu.

1 TIMUTAUSU 4:10

iKusudi ata ridzirumao na udzisonga ɗe uka amba rihetsi tama yatru ha Mungu alio hayi, Muhuyifu wa piya uwanadamu, hususwani wao waaminio.

1 MONYE 2:23

Waye alio amba amoruhanwa, kakoruhana, amoondesheha, kakorisidza, ɓadi akodzilisha ha Uwo anamuao ha haki.

1 MONYE 3:14

Na wala ukana musuondesheha ha siɓaɓu ya ihaki, v̄av̄o muɓarikishiha. «Musukane trisidzo na wao, tsena mwasuɓaɓanyihe.»

1 MONYE 3:9

Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.

1 MONYE 4:19

Ha izo, wao waondeshehao ha yamav̄endzeleo ya Mungu, nawadhwaminishe nafusi zawo uMuumbizi alio muaminifu, ha wao urendra ndjema.

YUDA 1:9

Ne ɗe ata Mikayilu, muɓole wa zimalayika wakati akoshindrana na Iɓilisa ha uwanilia umwili wa Musa, ne kasuɓutu aruhana, ɓadi arongoa: «Mola nahuv̄ondre.»