1 MAKORINTIYO 3:8 - Ha`bari Ndjema ya I Maore

⁸ Ule ataɓuo na ule atriao maji, wao sawa, na kula moja atsopara thawaɓu yahe ulawana na ihazi yahe monyewe.

1 MAKORINTIYO 3:8 ပူးပေါင်းရင်းမြစ်များ

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

LUKASI 19:19

Amuambia: ‹Wawe wajau, usuv̄olwa yezi hari mwa malago matsano.›

MAROMU 2:6

amba aliv̄e kula mutru ulingana na zitrendro zahe:

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

1 MAKORINTIYO 3:14

Neka ihazi mutru aifanya uju na umusingi istahamili, v̄av̄o uwo atsopara thawaɓu.

1 MAKORINTIYO 3:7

Ha izo, tsi ule ataɓuo ɗe alio muhimu, wala tsi ɗe ule atriao maji, ɓadi Mungu ahudzao.

1 MAKORINTIYO 3:9

Mana wasi washangirizi wa Mungu rifanyao hazi v̄umoja na waye; wanyu ɗe lishamba la Mungu, amma ɗe umuundrio wa Mungu.

1 MAKORINTIYO 4:15

Mana wala ukana mupara wav̄ingizi alifu kumi hari mwa uv̄umoja wanyu na Kristi, tsi amba muna maɓaɓa wengi. Mana hari mwa uv̄umoja wanyu na Kristi-Insa, wami ɗe namudzani ha ndzia ya iIndjili.

1 MAKORINTIYO 9:7

Mbani aparofanya hazi ya djeshi adziliv̄ao monyewe mushahara wahe? Mbani ataɓuo mizaɓiɓu wala kaɗyi yamavuna? Au mbani atsungao ɓangwe wala kano dzia la liɓangwe?

MAGALATWIYA 6:4

Ɓadi kula mutru nadzitunde na zitrendro zahe monyewe, na v̄av̄o atsopara trongo ya udziɓua yalawana na iwaye yahe, ɓadi tsi ha mutru wangina.

MAGALATWIYA 6:5

Mana kula mutru atsotrika mudzo wahe monyewe.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

2 YUHANI 1:8

Ɓasi namudzitahadharishe mwasulatse mavuna ya ihazi yatru, ɓadi mupare thawaɓu ndzikamilifu.

MUV̄ENULIO 2:23

Nitsoangamidza wana wahe ha uwaula. Na piya ziDjama Ndziwaminifu zitsojua amba wami ɗe nitsungiyao zifikira na ziroho, tsena nitsov̄a kula moja hari mwanyu ulawana na zitrendro zahe.

MUV̄ENULIO 22:12

«Tsami nisuja tsi hale! Tsena nisuv̄inga v̄umoja na wami zithawaɓu zangu, ile niv̄e kula mutru ha uɗunga shitrendro yahe.