1 MAKORINTIYO 3:6 - Ha`bari Ndjema ya I Maore

⁶ Wami tsitaɓu, Aɓulusu atria maji, ɓadi Mungu ɗe ahudzao.

1 MAKORINTIYO 3:6 ပူးပေါင်းရင်းမြစ်များ

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 14:27

Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu.

MAV̄INGIZI-RISALA 16:14

Moja mengoni mwawo akohiriwa Lidiya, muɓahazazi wa nguo zakana range ya muzambarao. Aka wa shi Tiyatira, tsena akomuria Mungu. Akorisitamia, na Mola amuɓua iroho yahe, ile akuɓali zitrongo Ɓaulusu akozirongoa.

MAV̄INGIZI-RISALA 18:24

V̄uka Muyahudi wa shi Aleksandriya akohiriwa ha lidzina la Aɓulusu, aka awaswili Efeso. Aka muhodari wa urongozi, amwesa akana ujuzi muɓole hari mwa uMuangishio Mutwaharifu.

MAV̄INGIZI-RISALA 19:1

Wakati Aɓulusu aka Korintiyo, Ɓaulusu awaswili Efeso, ɓaanda av̄iria yimikaɓala ya uju ya iAziya. Oho, aonana na ɓaãdhwi ya maswihaɓa.

MAV̄INGIZI-RISALA 21:19

Ɓaanda awarongodza, awaeledza moja ha moja zitrongo Mungu azifanya ha watru wa zinishani zangina ha umurumishi wahe.

MAROMU 15:18

Mana tsisuɓutu narongoa ata trongo neka tsi ɗe iyo Kristi aifanya ha indzia yangu, ne ɗe uv̄inga watru wa zinishani zangina hari mwa utuĩvu, trongo yafanyiwa ha marongozi na zitrendro,

1 MAKORINTIYO 1:12

iTrongo niirongoao ɗe ini, amba kula moja hari mwanyu asurongoa: «Wami wa Ɓaulusu»; na wangina: «Wami wa Aɓulusu»; wangina tsena: «Wami wa Sefasi»; na tsena v̄wa wangina arongoao: «Wami wa Kristi.»

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 3:22

neka Ɓaulusu, au Aɓulusu, au Sefasi, au ulemengu, au uhayati, au ufa, au trongo za leo, au izo zijao. Piya zanyu,

1 MAKORINTIYO 3:7

Ha izo, tsi ule ataɓuo ɗe alio muhimu, wala tsi ɗe ule atriao maji, ɓadi Mungu ahudzao.

1 MAKORINTIYO 9:1

Hali tsisi hari mwa unafasi? Hali wami tsi Muv̄ingizi-Risala? Hali tsamuona Insa, Raɓi watru? Hali wanyu tsi mavuna ya urumishi wangu ha Raɓi?

MAEFESO 3:17

amba ha uaminifu Kristi aẽshi rohoni hanyu, na tsena amba musise mizi na uketsi hodari hari mwa itrongo ya uv̄endza,

1 MATESALONIKA 1:5

Mana iIndjili ramujudzaniyo kayamujiliani amba ha marongozi tu, ɓadi tsena ha ushindzi, ha iRoho Ndzitwaharifu, v̄umoja na yakini yaswafishiha. Mana kweli amba musujua namuna jeje rakoka na wanyu, ha tanafu yanyu.