1 MAKORINTIYO 3:13 - Ha`bari Ndjema ya I Maore

¹³ v̄av̄o hazi ya kula mutru itsoonehana, mana iSuku ya Hukuma itsoionesa. Itsov̄enulwa ha moro, na umoro ɗe utsotoao udhiɓitifu wa inamuna ya ihazi ya kula mutru.

1 MAKORINTIYO 3:13 ပူးပေါင်းရင်းမြစ်များ

MATIYO 10:15

Nisumuambiani ha kweli, isuku ya hukuma, ihukuma ya malago ya Suduma na Gomora itsostahamilishiha rahana ya liɗago lile.»

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

LUKASI 2:35

Na wawe v̄aho, utungu utsohuforoa iroho mauri uroswa tshora, ile pare zifikira za umo wa watru wengi ziv̄enuhe.»

MAROMU 2:16

Iyo ɗe itsov̄enuhao, mauri iIndjili ini niijudzao irongoao, isuku Mungu atsohukumuo zisiri za wanadamu ha ndzia ya Insa Kristi.

MAROMU 2:5

Ɓadi ha siɓaɓu ya ukaidi waho na uumo kauandilishiha, usudzihetsia ãkiɓa ya hadhaɓu ya isuku ya ihadhaɓu, wakati ihukuma ya haki ya Mungu itsov̄enuhao,

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

1 MAKORINTIYO 3:12

Neka mutru asuundra uju na musingi uwo ha dhahaɓu, au fedha, au ha mawe yendza thamani, au miri, au unyasi, au tsaha,

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

2 TIMUTAUSU 1:12

Na iyo ɗe imana ata niparwao na maondo yanu, ɓadi tsisuyaonea haya, mana nisujua uwo namuamini, tsena tsina yakini amba ana ushindzi wa usika iyo nadhwaminishiwayo ata mupaka Suku iyo.

2 TIMUTAUSU 1:18

Raɓi namudjaãliye upara urehema ha Mola iSuku iyo. Wawe-wawe usujua ha uzuri kiasi anirumishia Efeso.

2 TIMUTAUSU 3:9

Ɓadi kawashindri uendra mbali, mana ujinga wawo uv̄enuha ha watru piya, mauri ɗe inamuna watru waili wale waka.

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

MAHEƁRANIYA 10:25

Rasulishe ungulidzana na wanyatru wa shi uaminifu, mauri ɓaãdhwi waliona udzevu nayo, ɓadi naritriyane ɓari wasi na wasi, na zini hususwani iv̄o muonao amba iSuku isukuruɓia.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

1 MONYE 4:12

Wanyu wav̄endzewa, musushange na lijenge la mudjereɓio limuv̄iriaoni, mauri mwakov̄iriwa na trongo imarusao.

2 MONYE 3:10

iSuku ya Raɓi itsoja mauri mwidzi. Na isuku iyo zimbingu zitsov̄ira v̄umoja na keme ɓole, zitru za ãswili zitsolalusiwa ha moro, na ishiv̄andre ya tsi v̄umoja na zitrendrwa zayo zitsov̄enuha.

2 MONYE 3:7

Na v̄anu ha urongozi ɗe uwo-uwo, ɗe zimbingu na ishiv̄andre ya tsi za av̄asa zahetsiwa ha ulindrilia umoro, zalishwa ya iSuku ya Hukuma, na uangamifu wa waovu.

MUV̄ENULIO 20:12

Tsiono tsena uwafu, rangu waɓole ata watiti waka wahimi mbeli na ishiri ya ufalume. V̄uɓulwa zio, na shio yangina iɓulwa, ilio ɗe ishio ya uhayati. uWafu wahukumulwa ha uɗunga izo zaka zaangihwa moni na zizio ulawana na zitrendro zawo.