1 MAKORINTIYO 3:12 - Ha`bari Ndjema ya I Maore

¹² Neka mutru asuundra uju na musingi uwo ha dhahaɓu, au fedha, au ha mawe yendza thamani, au miri, au unyasi, au tsaha,

1 MAKORINTIYO 3:12 ပူးပေါင်းရင်းမြစ်များ

MAV̄INGIZI-RISALA 20:30

Na ata hari mwanyu v̄anu, ne v̄utsohima watru watsov̄ao misomo kayaɗunga ndzia, ile wagogore yamaswihaɓa wawaɗunge.

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

1 MAKORINTIYO 3:11

Mana kav̄usi mutru ashindrao ahedze musingi wangina ɓadala ya ule wahedzewa, na uwo ɗe Insa-Kristi.

1 MAKORINTIYO 3:13

v̄av̄o hazi ya kula mutru itsoonehana, mana iSuku ya Hukuma itsoionesa. Itsov̄enulwa ha moro, na umoro ɗe utsotoao udhiɓitifu wa inamuna ya ihazi ya kula mutru.

2 MAKORINTIYO 2:17

Mana wasi karisi mauri watru wengi wafanyao ɓiashara urongozi wa Mungu; tsi jau, ɓadi ha umo warahara mbeli za Mungu, hari mwa uv̄umoja watru na Kristi, ɗe rilaguao amba watru wav̄elehwa na Mungu.

2 MAKORINTIYO 4:2

Risuhara trongo za siri zipatsao aĩɓu; karisudziv̄inga ha udjandja, wala karisuɓuzudza urongozi wa Mungu. Ɗe ikinyume amba, ha uvumbua ikweli, risudzieleha hari mwa likoho la unamuzi wa kula mwanadamu mbeli za Mungu.

MAKOLOSIYA 2:8

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

1 TIMUTAUSU 6:3

Neka mutru asusomedza trongo zangina, tsena kasuɗunga ya marongozi ya kweli ya Raɓi watru Insa-Kristi na umusomo walingana na iĩɓada,

2 TIMUTAUSU 2:20

Moni na nyumba ɓole kav̄uka ziya za dhahaɓu na fedha tu ɓasi, ɓadi uka wajau za muri na za ɗongo. V̄wa amba za urumishi wa sheo, na zasalia urumishi muv̄ungufu.

2 TIMUTAUSU 3:13

Ɓadi waovu na wanafiki watsendra ha uzidishiha na uovu, ha wao upoteza wasalia na udzipoteza wao wenyewe.

2 TIMUTAUSU 3:7

Ha daima watruwashe wao uka ju la usoma, ɓadi kawashindri uwaswili hari mwa ujuzi mukamilifu wa ukweli ata idahari.

2 TIMUTAUSU 4:3

Mana v̄utsoja wakati amba watru kawatsostahamili uvulishia musomo mwema. Ɓadi ha ushauku wa ukia izo ziwawao makio yawo, watsodziparia wengi wa mafundi.

MAHEƁRANIYA 13:9

Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

MUV̄ENULIO 2:14

Ɓadi tsina kinyume na wawe ɓaãdhwi ya zitru tsizini: haho una watru waɗungao musomo wa Ɓalahamu alio amba akomusariɓia Ɓalaki atsonge umukwaliso wa Israila ha uwasariɓia waɗye nyama yakotolewa sadaka masanamwe, na ufanya uzindzi.

MUV̄ENULIO 21:18

iNgome ika iundrwa ha jaspe, na liɗago lika ha dhahaɓu sahe-sahe, mufano wa shiɗo sahe-sahe.

MUV̄ENULIO 3:18

Nisuhusariɓia ununuwe dhahaɓu hangu ilio amba iswafishiha ha moro, ile utadjirishihe; ununuwe nguo ndjeu, ile ike amba upindri, pare iaĩɓu ya wadzi waho yasuv̄enuhe; na ɗalao la utria matsoni pare uone.