1 MAKORINTIYO 2:15 - Ha`bari Ndjema ya I Maore

¹⁵ Mutru wa shi Roho waye, ha kinyume ujua anamuwe piya, wala waye-waye kaji anamulwa na atsokao yotsi. Amwesa uMuangishio usurongoa:

1 MAKORINTIYO 2:15 ပူးပေါင်းရင်းမြစ်များ

YUHANI 7:17

Mutru atsahao afanye mav̄endzeleo yahe waye Mungu, atsojua neka musomo wangu ulawa ha Mungu, au neka nisulagua ha iwami yangu.

MAV̄INGIZI-RISALA 16:3

Ɓaulusu akotsaha amuv̄inge, waɗungane. Ɓas, amurenge, amutahiri|utahiri ha siɓaɓu ya yaMayahudi yaka hari mwa yimikaɓala yile, mana piyawo wakojua amba ɓaɓahe Mugiriki.

1 MAKORINTIYO 14:37

Neka v̄wa mutru aonao amba waye mutru ajudzao marongozi ya shi mutrume yashukidziwa, au mutru av̄ingwao na iRoho, nakuɓali amba izo nimuangishiaonizo, iyo ãmuri ya Raɓi.

1 MAKORINTIYO 3:1

Hanguju wananyangu, tsi mauri ha watru wav̄ingwao na iRoho ɗe nashindra nalagua na wanyu, ɓadi ha watru wadziv̄ingao shiuɓinadamu, mauri ha watru walio wanazaza hari mwa uv̄umoja wawo na Kristi.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

MAFILIPI 1:10

pare mujuwe mutsahuwe ilio mahususu, tsena muke wa kweli ɓila tuhuma isuku ya umuregeo wa Kristi,

MAKOLOSIYA 1:9

Iyo ɗe imana ata wasi wajau, rangu isuku raikia, karisuzia umumiliani Mungu na utsaha amba mujadziwe ujuzi wa mav̄endzeleo yahe, ha kula hikima na ushindzi wa uelewa shiroho,

1 MATESALONIKA 5:21

ɓadi namutwaliye piya zitrongo, musike zilio ndjema.

MAHEƁRANIYA 5:14

Ɓadi shahula mangavu, ya watru waɓalihi, walio amba koho la unamuzi lawo lihodarishiha hari mwa trongo ya utafautisha indjema na imbovu.

1 YUHANI 2:20

Ɓadi wanyu mudjukumisiwa na uMutwaharifu, tsena piyanyu muna ujuzi.

1 YUHANI 4:1

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa.