1 MAKORINTIYO 2:13 - Ha`bari Ndjema ya I Maore

¹³ Na wasi risuzilagua, tsi ha marongozi yasomedzewa na hikima ya shiuɓinadamu, ɓadi ha marongozi yasomedzewa na iRoho, na ha izo risueledza izo zilio za Roho, ha luha ya shiRoho.

1 MAKORINTIYO 2:13 ပူးပေါင်းရင်းမြစ်များ

LUKASI 12:12

Mana wakati uwo kamwe iRoho Ndzitwaharifu itsomujudzani zalazimu murongowe.»

MAV̄INGIZI-RISALA 2:4

Wajadzwa piyawo na iRoho Ndzitwaharifu, ata waandrisa ulagua ha luha zangina ha inamuna iRoho yakowav̄a ushindzi walaguwe.

1 MAKORINTIYO 1:17

Mana Kristi kaniv̄eleha naɓaĩsha, ɓadi amba nijudze iIndjili, wala iyo tsi ha hikima ya urongozi, pare umuri wa pawa|muri wa pawa wa Kristi wasupuhe ushindzi.

1 MAKORINTIYO 14:2

Kweli amba uwo alaguao ha luha ashukidziwa, kalagua na wanadamu, ɓadi na Mungu, iv̄o kav̄u ata mutru amuelewao, na ha uv̄ingwa na iRoho ɗe arongoao trongo zadzamisiwa.

1 MAKORINTIYO 2:1

Hanguju wananyangu, wakati naja hanyu, tsi v̄umoja na luha yendza faswaha au hikima ɗe naja namujudzani isiri yamuhusu Mungu.

1 MAKORINTIYO 2:14

Ɓadi mwanadamu nyama-nyama kashindri ukuɓali trongo zahusu iRoho ya Mungu. Mana haheju izo ujinga, tsena kashindri uzijua, mana izo unamulwa ha iRoho.

1 MAKORINTIYO 2:4

Hutuɓa yangu na mujudzio wa ihaɓari wangu kazaka zaketsi hari mwa marongozi yendza hikima yaswadikishao, ɓadi hari mwa uv̄enufu wa iRoho ya Mungu v̄umoja na ushindzi,

1 MAKORINTIYO 9:11

Neka ritaɓu hanyu ndjema za shiroho, ɓasi hali iyo trongo ɓole wasi uvuna hanyu zitru za urilela?

MAEFESO 5:19

Namulaguliane ha ngutende, na madjimbo ya sifa, na himbo za shiroho. Namuhimbe na umusifu Mola ha piya ziroho zanyu.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

1 MONYE 1:12

Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.

2 MONYE 1:16

Kweli amba tsi ha uɗunga mahadisi yatrungwa ɗe ramujudzani ushindzi na umujilio wa Raɓi watru Insa-Kristi, ɓadi rishuhudia ha matso yatru utukufu wahe.