1 MAKORINTIYO 16:13 - Ha`bari Ndjema ya I Maore

¹³ Namuke hashiri, musike hodari uaminifu wanyu, mudziv̄inge mauri watruɓaɓa, muke wahodari.

1 MAKORINTIYO 16:13 ပူးပေါင်းရင်းမြစ်များ

MATIYO 25:13

V̄av̄o namuke hashiri, mana kamusujua isuku wala isa.»

MATIYO 26:41

Namuke hashiri, mumumiye Mungu ile musuzainiwe. Roho, iyo na djitihadi, ɓadi umwili, uwo mulemevu.»

LUKASI 21:36

Ɓasi namuke hashiri, muke hari mwa mamilio dahari-dahari, ile mukane ushindzi wa utralia piya trongo zizo zitsojao, tsena mushindre muhime hazahaza mbeli za uMwana wa Mwanadamu.»

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

2 MAKORINTIYO 1:24

Tsi amba ritsaha ritawaliye uaminifu wanyu, ɓadi ra v̄umoja hari mwa ushangirifu ile mukane furaha, iv̄o mulio wahodari hari mwa uaminifu.

MAGALATWIYA 5:1

Ile wasi rikane unafasi, ɗe Kristi arikomboa. Ɓasi v̄av̄o namuhodarishihe, wala musudzilishe mwarudi tsena mwatrika mulandza wa urumwa.

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAEFESO 6:10

Ha umalidza, namuhodarishiwe hari mwa uv̄umoja wanyu na Raɓi, ha zinguvu zendza ushindzi zahe.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAFILIPI 4:1

Ha izo, wananya wav̄endzewa wangu, wanyu mulio amba tsina hamu na wanyu, wanyu mulio furaha yangu tsena hishima yangu, namuke watru wasika hari mwa uv̄umoja na Raɓi, wandzani wa roho wangu.

MAFILIPI 4:13

Kula trongo wami uishindra ha uv̄umoja wangu na uwo aniv̄ao nguvu.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

MAKOLOSIYA 4:2

Namudziv̄e iwanyu yanyu ha yamamilio; namushese ha uendrelea nayo, v̄umoja na himida.

1 MATESALONIKA 3:8

Na av̄asa risuẽshi, iv̄o mwasika hodari hari mwa uv̄umoja wanyu na Raɓi.

1 MATESALONIKA 5:6

Ɓasi ha izo, rasulale mauri wasalia, ɓadi narishese, tsena rike wazima.

2 MATESALONIKA 2:15

Ɓasi ha izo wananya wa shi uaminifu, namuke watru wasika, musike hodari yimisomo ramuv̄aniyo, neka ha hanyo, au ha ɓarua.

1 TIMUTAUSU 6:12

Wanilia ikondro ndjema ya uaminifu, usike uhayati wa daima ulio amba uhiriwa uke nawo, na ha uwo ɗe wafanya mukuɓalisho mwema mbeli za mazahidi ha uwengi.

2 TIMUTAUSU 2:1

Ɓasi wawe, mwana wangu, dzihodarishe hari mwa irehema iparihanao ha Kristi-Insa.

2 TIMUTAUSU 4:5

Ɓadi wawe, kana fahamu laho hari mwa piya zitrongo, stahamili yamaondo, fanya ihazi ya mutrangizi wa iHaɓari Ndjema, tsimidza ha ukamilifu urumishi waho.

2 TIMUTAUSU 4:7

Tsiwana ikondro ndjema, tsimalidza umwendro, tsisiki uaminifu.

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

1 MONYE 5:8

Namukane zifikira zanyu, tsena muke hashiri. iÃduwi yanyu Iɓilisa asuzingidza mauri simba ingurumao, izunguhao mutru amuɗye.

MUV̄ENULIO 16:15

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.