1 MAKORINTIYO 15:57 - Ha`bari Ndjema ya I Maore

⁵⁷ Ɓasi himida ha Mungu ariv̄ao ushindrifu ha ndzia ya Raɓi watru Insa-Kristi.

1 MAKORINTIYO 15:57 ပူးပေါင်းရင်းမြစ်များ

YUHANI 16:33

«Tsimuambiani trongo izo, ile pare mukane utrulivu wa roho hari mwa uv̄umoja wanyu na wami. Mutsoka hari mwa usongefu ulemenguni v̄anu, ɓadi namudzitriye ɓari! Wami madza tsishindri ulemengu.»

MAV̄INGIZI-RISALA 27:35

Ɓaanda arongoa namuna ile arenge dipe, amwesa amuhimidia Mungu mbeli zawo piya, alikutrua, aandrisa uɗya.

MAROMU 7:25

Natukuzihe Mungu, ha ndzia ya Insa-Kristi Raɓi watru! Ha izo ɓasi, ini ɗe iheli nilio: wami-wami ha iãkili yangu, tsa murumwa wa iSharia ya Mungu, na ha ihali ya shiuɓinadamu yangu, murumwa wa isharia ya dhambi.

MAROMU 8:37

Ɓadi hari mwa piya trongo zizo, risuzidi uka washindrifu ha uwo ariv̄endza.

1 MAKORINTIYO 15:51

Tsini nisumuambiani siri: Karitsofa piyasi, ɓadi piyasi ritsogaudziwa,

2 MAKORINTIYO 1:11

Wanyu-wanyu musurisaidi wajau ha yamamilio yanyu. Ha izo, wengi watsohimidia ha siɓaɓu ya wasi na ineema radjaãliwa, yaparihwana ha mamilio ya wengi.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

2 MAKORINTIYO 9:15

Mungu nahimidiwe ha ineema kaina mufano yahe.

MAEFESO 5:20

Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

MAHEƁRANIYA 2:14

Ɓasi ha iv̄o wana wanu walio mwili na damu, waye wajau afanyiha mauri wao, arenge fuvu hari mwa ihali yawo ya shiuɓinadamu, ile ha ufa wahe, aangamidze uwo aliona ushindzi wa ufa, ne ɗe Iɓilisa,

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.

MUV̄ENULIO 21:4

Atsov̄angua kula tsozi matsoni hawo; ufa kautsoka tsena, wala kav̄utsoka tsena musiɓa, ɓila shililo, wala utungu, mana trongo za handra ziv̄iri.»