1 MAKORINTIYO 15:50 - Ha`bari Ndjema ya I Maore

⁵⁰ iTrongo nimuambiaoni wananyangu, ɗe amba nyama na damu kazishindri uwarithi Utawalizi wa Mungu, tsena shitru muangamia kaiwarithi shitru tsi muangamia.

1 MAKORINTIYO 15:50 ပူးပေါင်းရင်းမြစ်များ

MATIYO 16:17

Insa amuambia: «Uɓarikishiha, Simoni, mwana wa Yunusa! Mana tsi mwanadamu nyama-nyama ɗe ahuv̄enulia trongo iyo, ɓadi ɗe Ɓaɓangu alio mbinguni.

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

1 MAKORINTIYO 1:12

iTrongo niirongoao ɗe ini, amba kula moja hari mwanyu asurongoa: «Wami wa Ɓaulusu»; na wangina: «Wami wa Aɓulusu»; wangina tsena: «Wami wa Sefasi»; na tsena v̄wa wangina arongoao: «Wami wa Kristi.»

1 MAKORINTIYO 15:42

Ɗe namuna iyo ɗe ulio umuregezeo hayi wa uwafu. Uwo utrilwa shiv̄andreju mwa tsi mwili muola, uregezewa hayi tsi muola;

1 MAKORINTIYO 15:44

uwo utrilwa shiv̄andreju mwa tsi mwili wa nyama, uregezewa hayi mwili wa shi roho. Neka v̄wa mwili wa nyama, v̄wa wajau mwili wa roho.

1 MAKORINTIYO 6:10

waidzi, mav̄endza-upara, walevi, marongoa-nnayi, na warav̄izi, kawatsopara fungu hari mwa Utawalizi wa Mungu.

1 MAKORINTIYO 6:13

Na tsena: «Zahula, izo za mimba, na imimba, ya zahula.» Izo kweli; ɓadi Mungu atsoziangamidza izo mbili. Na umwili tsi wa ufanya taɓia za shahawa kazalazimu; uwo wa Raɓi, na Raɓi waye, wa umwili.

1 MAKORINTIYO 6:9

Kamusujua amba wadhuluma kawatsopara fungu hari mwa Utawalizi wa Mungu? Musulaɓihe! Watru wendza taɓia za peu za shi mwili, maãɓudu-masanamwe, wazindzi, watruɓaɓa waliona shahawa wao na wao,

1 MAKORINTIYO 7:29

Wananyangu, trongo niirongoao ɗe ini: wakati wa mushashi. Rangu v̄anu, wao waliona watruwashe, nawake mauri kawakana;

2 MAKORINTIYO 5:1

Mana wasi risujua amba neka liɓanga la haima lini riliketsiao ulemenguni v̄anu liangamidziwa, rina pev̄oni v̄ahanu v̄wa uketsi v̄wafanyiwa na Mungu, makazi ya daima kayafanyiwa ha yimihono ya wanadamu.

2 MAKORINTIYO 9:6

Namujuwe amba: Monyewe utaɓu ha ushashi, atsovuna ha ushashi, na uwo ataɓuo ha uwengi, atsovuna ha uwengi.

MAGALATWIYA 3:17

Trongo nitsahao niirongowe ɗe ini: Mukataɓa wafungwa na Mungu namuna yastahiki, kautsojua wazimwa na iSharia yaja ɓaanda ya maha aruɓamiya wa thalathini, trongo itsoɓuliao uwahadi wa Mungu.

MAGALATWIYA 5:16

Nisurongoa ɓasi: Namwendre ha uv̄ingwa na iRoho, na v̄av̄o kamutsotsimidza tsena mav̄endzeleo ya shiuɓinadamu.

MAEFESO 4:17

Ɓasi tsini itrongo niirongoao tsena niishadidishao hari mwa uv̄umoja wangu na Raɓi: ɗe amba kamwalazimu mwadziv̄inga tsena mauri ɗe inamuna wadziv̄ingao watru wa zinishani zangina, walio amba fikira zawo kazina faida.

MAKOLOSIYA 2:4

Nisurongoa zizo pare v̄usuke mutru amudanganyani ha marongozi yendza ladha.

2 TIMUTAUSU 4:18

Raɓi atsonikomboa na kula shitrendrwa mbovu, tsena atsonihuyi ile ningiye ha usalama salimina hari mwa Utawalizi wahe pev̄oni. Utukufu naumuendreleye ha daima. Amina.