1 MAKORINTIYO 15:20 - Ha`bari Ndjema ya I Maore

²⁰ Ɓadi kweli amba Kristi aregezewa hayi ulawa ufaju, waye ɗe udzazi wa handra hari mwa wao wafa.

1 MAKORINTIYO 15:20 ပူးပေါင်းရင်းမြစ်များ

MAV̄INGIZI-RISALA 2:24

Ɓadi Mungu amutratrua hari mwa zingwe sa mauti, amuregeza hayi, mana kayaka trongo mukinishiha waye uziwa na ufa.»

MAV̄INGIZI-RISALA 26:23

ne ɗe amba uMutsahuliwa atsoondesheha, atsoka ɗe wa handra atsoregezewao hayi ha ulawa ufaju, amwesa amba atsotrangaza iheu ha umati [wa Israila], na ha zinishani zangina.»

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

1 MAKORINTIYO 15:23

Ɓadi kula mutru atsoregezewa hayi ha wakati wahe: imimba ya handra ya uregezewa hayi ɗe Kristi, yaɗunga ɗe wao walio wa Kristi wakati atsov̄enuhao.

1 MAKORINTIYO 15:6

Ɓaanda ya v̄av̄o av̄enushia wananya wa shi uaminifu zaidi ya hamsumiya ha sa moja, walio amba shengini mwawo raha wa hayi, na ɓaãdhwi wafu.

MAKOLOSIYA 1:18

Waye ɗe Shitswa wa umwili, ilio iDjama Ndziwaminifu; waye ɗe umwandro, umudzalwa wa handra alawa ha uwafu, ile hari mwa piya ake ɗe wa handra.

1 MATESALONIKA 4:16

Mana Raɓi waye-waye atsoshuka ulawa pev̄oni ãmuri yamotolwa, v̄umoja na ji la umuɓole wa zimalayika, na ngono ya liɓaragumu la Mungu. V̄av̄o wao wafa hari mwa uv̄umoja na Kristi watsoregezewa hayi kadimu.

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MUV̄ENULIO 14:13

Amwesa tsikia ji lalawa pev̄oni lakorongoa: «Angiha: Waɓarikishiha uwafu, wao wafao rangu av̄asa hari mwa uv̄umoja wa Raɓi.» iRoho isurongoa: «Ewa, nawav̄umuwe na hazi zawo, mana zitrendro zawo zisuwaɗunga.»