1 MAKORINTIYO 15:1 - Ha`bari Ndjema ya I Maore

¹ Av̄asa wananyangu, nisumunahanidzani iIndjili namujudzaniyo ilio amba muikuɓali, tsena muifanya ngazi,

1 MAKORINTIYO 15:1 ပူးပေါင်းရင်းမြစ်များ

YUHANI 12:48

Monyewe unihara amwesa kasukuɓali marongozi yangu, ana hakimu wahe. Urongozi naujudza, ɗe utsomuhukumuo isuku ya mwiso.

MAV̄INGIZI-RISALA 11:1

yaMav̄ingizi-Risala|Mav̄ingizi-Risala na uwananya wa shi uaminifu waka hari mwa iYudeya, wakia amba watru wa zinishani zangina wakuɓali wajau uUrongozi wa Mungu.

MAV̄INGIZI-RISALA 2:41

Wao wakuɓali urongozi wahe waɓaĩshiwa, na hari mwa isuku ile ihisaɓu ya maswihaɓa iengedzeha mukaɓala wa alifu traru jauleni ya wanadamu.

MAROMU 11:20

Iyo kweli. Yakatrwa ha siɓaɓu ya ukosefu wa uaminifu wakati ulio amba wawe, ɗe ha uaminifu ɗe wasika. Ɓasi usudzione, ɓadi ilazimu uriye.

MAROMU 2:16

Iyo ɗe itsov̄enuhao, mauri iIndjili ini niijudzao irongoao, isuku Mungu atsohukumuo zisiri za wanadamu ha ndzia ya Insa Kristi.

MAROMU 5:2

Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

1 MAKORINTIYO 16:13

Namuke hashiri, musike hodari uaminifu wanyu, mudziv̄inge mauri watruɓaɓa, muke wahodari.

1 MAKORINTIYO 3:6

Wami tsitaɓu, Aɓulusu atria maji, ɓadi Mungu ɗe ahudzao.

1 MAKORINTIYO 4:15

Mana wala ukana mupara wav̄ingizi alifu kumi hari mwa uv̄umoja wanyu na Kristi, tsi amba muna maɓaɓa wengi. Mana hari mwa uv̄umoja wanyu na Kristi-Insa, wami ɗe namudzani ha ndzia ya iIndjili.

2 MAKORINTIYO 1:24

Tsi amba ritsaha ritawaliye uaminifu wanyu, ɓadi ra v̄umoja hari mwa ushangirifu ile mukane furaha, iv̄o mulio wahodari hari mwa uaminifu.

1 MATESALONIKA 1:6

Na wanyu mufanyiha watiɓizi watru, tsena wa Raɓi, ha ukuɓali Urongozi wa Mungu hari-hari na matreso ha uwengi, tsena v̄umoja na ifuraha ya iRoho Ndzitwaharifu.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

1 MATESALONIKA 4:1

Yaɓaki v̄anu wananya wa shi uaminifu, mupara ulawa na wasi namuna jeje ya udziv̄inga na umujiv̄ia Mungu, na iyo ɗe itrongo muifanyao. Av̄asav̄anu ɓasi, risumumiani na umutriani ɓari ha uv̄umoja na Raɓi Insa, namuendreleye raha ha uzidisha.

2 MATESALONIKA 3:6

Risumusariɓiani wananyatru ha lidzina la Raɓi Insa-Kristi, mudziɓause na kula mwananya wa shi uaminifu aliona maẽsha yendza musadjadja, ɓadi tsi ha uɗunga maosio ramuv̄aniwo.

1 MONYE 5:12

Ɗe ha umusada wa Silvanus nimurengao amba mwananya muaminifu, ɗe nimuangishiaoni wana mistari wanu, ile nimutriyeni ɓari na ulawa ushahidi amba iyo ɗe irehema ya kweli ya Mungu ɗe mwadzifungamanisa nayo.