1 MAKORINTIYO 14:6 - Ha`bari Ndjema ya I Maore

⁶ Ɓasi av̄asa wananyangu, neka tsimujiliani ha ulagua luha nashukidziwa, nitsomufayidishani na trini? Na yotsi, ɓadi neka nisumujudzani trongo nav̄enuliwayo, au ya hikima, au ya urongozi washukidziwa, au ya musomo.

1 MAKORINTIYO 14:6 ပူးပေါင်းရင်းမြစ်များ

MATIYO 11:25

Wakati ule Insa arenge umurongo arongoa: «Nisuhuhimidia Ɓaɓa, Mola wa uwingu na ishiv̄andre ya tsi, iv̄o wadzamisia trongo zini uwendza ãkili na wendza ĩlimu, waziv̄enulia uwatiti.

MATIYO 16:17

Insa amuambia: «Uɓarikishiha, Simoni, mwana wa Yunusa! Mana tsi mwanadamu nyama-nyama ɗe ahuv̄enulia trongo iyo, ɓadi ɗe Ɓaɓangu alio mbinguni.

MATIYO 16:26

Mana tanafu trini mutru atsoiparao neka apara lidunia kamili, ne apoteza iroho yahe? Au mutru atsotoa trini ɓadala ya iroho yahe?

MAV̄INGIZI-RISALA 2:42

Wakodzishahilisa ha djitihadi na umusomo wa yaMav̄ingizi-Risala|Mav̄ingizi-Risala, uv̄umoja wa shi unanya, umukutrulio wa madipe na mamilio.

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

1 MAKORINTIYO 10:33

mauri ɗe wami wajau namuna nitsahao nijiv̄idze piya watru hari mwa piya zitrongo, wala tsi ha utsaha faida yangu monyewe, ɓadi ya uwengi, ile wahuyiwe.

1 MAKORINTIYO 14:1

Ɓasi namuɗunge uv̄endza, tsena namutsahe ha kusudi neema za shiroho, hususwani ya ujudza marongozi ya shi mutrume yashukidziwa.

1 MAKORINTIYO 14:7

Neka zitru kazina roho zivumao, mauri ndzumari au dzendze, kazisina tafauti ya ji, ɓasi ha namuna jeje mutru atsojuao shitru ivumisiwao na indzumari au lidzendze?

2 MAKORINTIYO 11:6

Neka kweli amba wami tsi mutaãlamu wa ulagua hari, ɓadi tsi ɗe hari mwa ujuzi, tsena rimuonesaniyo dhwahiri ha kula namuna na kula hali.

2 MAKORINTIYO 12:1

Ilazimu nidziɓuwe, wala ukana kaina faida. Ɓasi av̄asa nisuja nilaguwe yahusu zinida na yimiv̄enulio nadjaãliwa na Raɓi.

2 MAKORINTIYO 12:7

Na ha iv̄o miv̄enulio yiyo yaka ya midjuza, ha uniɓalidza wami udziɓua, tsika tsitriliwa muɓa moni na umwili, wakala wa Shetwani amba anireme, ile nasudziɓuwe.

MAEFESO 1:17

Ɓasi Mungu wa Raɓi watru Insa-Kristi, Ɓaɓa mwendza utukufu, namudjaãliyeni roho ya hikima na muv̄enulio, ile pare mumujuwe ha ukamilifu wahe.

MAEFESO 3:4

Mwamowasoma, mutsoshindra muone inamuna nielewao iãdjaɓu yahusu Kristi.

MAFILIPI 3:15

Ɓasi v̄av̄o neka wasi rikamilishiha, nariɓaki hari mwa fikira iyo; na neka v̄wa trongo ilio amba musuiona namuna yangina, Mungu atsomuv̄enuliani wajau inamuna yayo.

2 TIMUTAUSU 2:14

Nahanidza wanyaho trongo zizo na osia mbeli za Mungu watrale mashindrano ya makalima, trongo kaina faida itsokao yotsi, neka tsi uangamidza wao wayavulishiao.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

2 TIMUTAUSU 3:16

Piya uMuangishio uja ulawa ha Mungu, tsena ufayi ya usomedza, ufundra, urudia na ufundrisa maendreleo ya uhaki,

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.

MAHEƁRANIYA 13:9

Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.

2 MONYE 1:5

Ha siɓaɓu ya iyo kamwe, namufanye piya djitihadi zanyu ile muengedze uwema ju la uaminifu wanyu, na ju la uwema, ujuzi,

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.

2 YUHANI 1:9

Mutru yotsi andrao mbali tsena kasuɓaki hari mwa umusomo wa Kristi, kasina uv̄umoja na Mungu. Uwo aɓakio hari mwa musomo uwo, ana uv̄umoja na Ɓaɓa amma na uMwana.