1 MAKORINTIYO 14:4 - Ha`bari Ndjema ya I Maore

⁴ Uwo alaguao ha luha ashukidziwayo, udzihodarisha monyewe, na ule ajudzao marongozi ashukidziwawo, uhodarisha iDjama Ndziwaminifu.

1 MAKORINTIYO 14:4 ပူးပေါင်းရင်းမြစ်များ

MARKUSI 16:17

Tsizini ziãlama za midjuza zitsoonehanao ha wao watsoaminio: Ha lidzina langu, watsotoa mazetwani, watsolagua luha pia watsoshukidziwaozo;

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 12:28

Na hari mwa iDjama Ndziwaminifu, Mungu ahetsi handrani Mav̄ingizi-Risala, ya v̄ili watru wajudzao marongozi washukidziwawo, ya raru watru wasomedzao. Yaɗunga ineema ya ufanya midjuza, amwesa ya uzihira, ya usaidi, ya uv̄inga, na ulagua tafauti za luha zashukidziwa.

1 MAKORINTIYO 13:1

Wala ukana neka nisulagua ziluha za wanadamu na za malayika, ne tsisina mahaɓa, v̄av̄o tsa garando livumao, au keme za kengele.

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

1 MAKORINTIYO 14:12

Ɗe namuna iyo wanyu wajau. Rangu muliona huɓa mudjaãliwe neema za iRoho, namuzitsahe ha uwengi, ɓadi ile ha uhodarisha iDjama Ndziwaminifu.

1 MAKORINTIYO 14:22

Ha izo, luha zashukidziwa, iyo ãlama tsi ha waaminifu, ɓadi ha tsi waaminifu, wakati ulio amba marongozi ya shi mutrume yashukidziwa, iyo ãlama tsi ha wao tsi waaminifu, ɓadi ɗe ha uwaaminifu.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 14:3

Ɓadi uwo ajudzao marongozi ashukidziwawo, ulagua na wanadamu: waye uhodarisha, utria ɓari, tsena utrulidza.

1 MAKORINTIYO 14:5

Ɓasi natsov̄endza piyanyu mulaguwe luha mwashukidziwazo, ɓadi zaidi amba mujudze marongozi ya shi mutrume yashukidziwa. Ule ajudzao marongozi ashukidziwawo, ana faida rahana ule alaguao ha luha zashukidziwa, ɓadi neka v̄wa mutru atafaswirio luha zile, pare iDjama Ndziwaminifu ihodarishihe.