1 MAKORINTIYO 14:29 - Ha`bari Ndjema ya I Maore

²⁹ Yahusu wajudzao marongozi ya shi mutrume yashukidziwa, waili au wararu ɗe nawalaguwe, na wangina watwaliye izo zarongolwa.

1 MAKORINTIYO 14:29 ပူးပေါင်းရင်းမြစ်များ

MAV̄INGIZI-RISALA 13:1

Hari mwa iDjama Ndziwaminifu ya Antiyokiya, v̄uka watru wakoshukidziwa marongozi ya shi mutrume, tsena v̄uka amba wakosomedza: Ɓarnaɓasi, Sameana akohiriwa Muɗu, Lukiyusu wa shi Kureniya, Manayinu aka alelwa na wakala Hirudu, na Saulusu.

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

1 MAKORINTIYO 14:28

Na neka kav̄u mutru wa utafaswiri, v̄av̄o hari mwa idjama naɓurihe, adzilaguliye ɗe waye monyewe na Mungu.

1 MAKORINTIYO 14:30

Na neka v̄wa wangina v̄ale av̄enuliwa trongo, wa handra ule naɓurihe.

1 MAKORINTIYO 14:32

Roho za wajudzao marongozi ya shi mutrume yashukidziwa, za hari mwa ãmuri za wenyewe yamarongozi.

1 MAKORINTIYO 14:37

Neka v̄wa mutru aonao amba waye mutru ajudzao marongozi ya shi mutrume yashukidziwa, au mutru av̄ingwao na iRoho, nakuɓali amba izo nimuangishiaonizo, iyo ãmuri ya Raɓi.

1 MAKORINTIYO 14:39

Ha izo wananyangu, namutsahe ujudza marongozi ya shi mutrume yashukidziwa, ɓila uɓalidza ulagua luha zashukidziwa.