1 MAKORINTIYO 14:26 - Ha`bari Ndjema ya I Maore

²⁶ Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 14:26 ပူးပေါင်းရင်းမြစ်များ

MAROMU 1:13

Wananyangu, tsisutsaha yaka amba kamusujua amba mara nyengi nakoka na inia ya uja hanyu, ile nirundre wana mavuna hari mwanyu, mauri ɗe hari mwa zinishani zangina tsi Mayahudi; ɓadi ata upara av̄asa tsashindra.

MAROMU 12:7

Uwo adjaãliwa ineema ya urumishi, narumishiye, na uwo alio amba ya usomedza, nasomedze.

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

MAROMU 15:2

Kula moja hari mwasi najiv̄idze munyawe ha indjema, ile pare ahodarishihe.

1 MAKORINTIYO 14:15

Ɓasi v̄av̄o nifanye jeje? Nitsofanya mamilio ha iRoho, tsena nifanye ha ifikira; nitsohimba ha iRoho, tsena nihimbe ha ifikira.

1 MAKORINTIYO 14:2

Kweli amba uwo alaguao ha luha ashukidziwa, kalagua na wanadamu, ɓadi na Mungu, iv̄o kav̄u ata mutru amuelewao, na ha uv̄ingwa na iRoho ɗe arongoao trongo zadzamisiwa.

1 MAKORINTIYO 14:27

Neka v̄wa mutru alaguao ha luha yashukidziwa, wake waili, wasuzidi wararu, tsena walaguwe moja ha moja, amwesa v̄uke mutru atafaswiri.

1 MAKORINTIYO 14:40

Ɓadi piya zifanyihe namuna yalazimu, tsena ha utaratiɓu.

2 MAKORINTIYO 12:19

V̄av̄o ukiri uka amba wakati unu piya musufikiri amba risudzidifaĩ mbeli zanyu. Ɗe mbeli za Mungu hari mwa uv̄umoja na Kristi ɗe rilaguao. Na piya izo wav̄endzewa, ɗe ha umuhodarishani.

2 MAKORINTIYO 13:10

Iyo ɗe imana ata iv̄o tsisi v̄umoja na wanyu niangihao zizo, ile pare wakati nitsokao, ike amba tsi paka nirumiye uhali walingana na iyezi Raɓi aniv̄a amba ya uhodarisha, ɓadi tsi ya uangamidza.

MAEFESO 4:12

ile watwaharifu watayarishihe ha ihazi ya urumishi, pare umwili wa Kristi uundrishihe,

MAEFESO 4:16

Ɗe ha waye ɗe umwili piya ha ukamilifu wawo waungatsiha na ufungiha hodari ha piya zifungo zilio moni mwawo. Ha izo, neka kula shiga isufanya ihazi yayo heli yalazimu, ɓasi piya umwili uhua na uhodarishiha hari mwa mahaɓa.

MAEFESO 4:29

Hanyoni hanyu v̄usulawe ata urongozi movu, ɓadi urongozi mwema utsoshindrao wakati walazimu, ufayidishe na uv̄ingia rehema wao waukiao.

MAEFESO 5:19

Namulaguliane ha ngutende, na madjimbo ya sifa, na himbo za shiroho. Namuhimbe na umusifu Mola ha piya ziroho zanyu.

1 MATESALONIKA 5:11

Ɓasi ha izo, namutriane ɓari na uhodarishana, mauri ɗe inamuna madza muifanyao.