1 MAKORINTIYO 14:2 - Ha`bari Ndjema ya I Maore

² Kweli amba uwo alaguao ha luha ashukidziwa, kalagua na wanadamu, ɓadi na Mungu, iv̄o kav̄u ata mutru amuelewao, na ha uv̄ingwa na iRoho ɗe arongoao trongo zadzamisiwa.

1 MAKORINTIYO 14:2 ပူးပေါင်းရင်းမြစ်များ

MATIYO 13:11

Insa awadjiɓu: «Mana wanyu mudjaãliwa ujua zisiri za Utawalizi wa Monyewe ziMbingu, ɓadi wao kawadjaãliwayo.

MARKUSI 16:17

Tsizini ziãlama za midjuza zitsoonehanao ha wao watsoaminio: Ha lidzina langu, watsotoa mazetwani, watsolagua luha pia watsoshukidziwaozo;

MARKUSI 4:11

Ɓas, awaambia: «Wanyu ɗe mwadjaãliwa ujua isiri ya Utawalizi wa Mungu, ɓadi wao walio v̄ondze wajudziwazo piya ha mifano,

MAV̄INGIZI-RISALA 10:46

Mana wakowakia iv̄o wakolagua luha tsi zawo na utukuza uɓole wa Mungu. Sa ile Monye arongoa:

MAV̄INGIZI-RISALA 19:6

Ɓaulusu uwakadzia yahe yimihono, na iRoho Ndzitwaharifu iwajilia. Sa ile waandrisa ulagua luha tsi zawo, na ujudza marongozi washukidziwayo na Mungu.

MAV̄INGIZI-RISALA 22:9

Wale waka na wami kweli waono iheu ile, ɓadi kawakia liji lakolagua na wami.

MAROMU 16:25

Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 12:28

Na hari mwa iDjama Ndziwaminifu, Mungu ahetsi handrani Mav̄ingizi-Risala, ya v̄ili watru wajudzao marongozi washukidziwawo, ya raru watru wasomedzao. Yaɗunga ineema ya ufanya midjuza, amwesa ya uzihira, ya usaidi, ya uv̄inga, na ulagua tafauti za luha zashukidziwa.

1 MAKORINTIYO 13:1

Wala ukana neka nisulagua ziluha za wanadamu na za malayika, ne tsisina mahaɓa, v̄av̄o tsa garando livumao, au keme za kengele.

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

1 MAKORINTIYO 14:16

Neka tsi namuna iyo, wamohimidia ha iRoho, uwo alio hari mwa liɓandza la idjama ivulishiao, atsov̄oshea jeje «Amina!» mamilio yaho, ne kaelewa trongo wairongoa?

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 15:51

Tsini nisumuambiani siri: Karitsofa piyasi, ɓadi piyasi ritsogaudziwa,

1 MAKORINTIYO 2:10

Ne ɗe Mungu ariv̄enushiazo wasi ha iRoho. Mana iRoho utunda piya, ata zilio hari mwa zilindri zahe Mungu.

1 MAKORINTIYO 2:7

risujudza ihikima ya Mungu yendza siri tsena yatsitswa, ilio amba Mungu aka aiãzimia ha utukufu watru rangu kaɓula madza ina mida.

MAEFESO 6:19

Namunimiliye na wami wajau, pare kula namoɓua ihanyo urongozi niv̄olwewo, ile nijudze ha uhodari iãdjaɓu ya iIndjili,

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

1 TIMUTAUSU 3:9

Walazimu wasike mihono mili iãdjaɓu ya uaminifu, ha roho ndziraharifu.

MUV̄ENULIO 10:7

Ɓadi hari mwa zisuku imalayika ya saɓa itsojao ivudziye liɓaragumu layo, iãdjaɓu ya shi Mungu itsotsimidziha ha uɗunga izo ajudza warumishi wahe, ne ɗe yimitrume.