1 MAKORINTIYO 14:13 - Ha`bari Ndjema ya I Maore

¹³ Iyo ɗe imana mutru alaguao ha luha yashukidziwa, alazimu afanye mamilio ile pare aitafaswiri.

1 MAKORINTIYO 14:13 ပူးပေါင်းရင်းမြစ်များ

MARKUSI 11:24

Iyo ɗe imana nimuambiaoni, yotsi mutsoitsahao ha mamilio, namuamini amba muipara, na wanyu mutsokuɓaliwayo.

MAV̄INGIZI-RISALA 1:14

Djimlani hawo, ha nia moja wakoka hari mwa mamilio, v̄umoja na uwatruwashe, na Mariama mayahe wa Insa, na wananyahe watruɓaɓa.

MAV̄INGIZI-RISALA 8:15

Ɓas washuku, wawamilia ile wapare iRoho Ndzitwaharifu,

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 12:30

Piyawo wadjaãliwa ineema ya uzihira? Piyawo ulagua luha zashukidziwa? Piyawo utafaswiri luha zile?

1 MAKORINTIYO 14:12

Ɗe namuna iyo wanyu wajau. Rangu muliona huɓa mudjaãliwe neema za iRoho, namuzitsahe ha uwengi, ɓadi ile ha uhodarisha iDjama Ndziwaminifu.

1 MAKORINTIYO 14:14

Mana namofanya mamilio ha luha yashukidziwa, v̄av̄o roho yangu ya hari mwa mamilio, ɓadi ifikira kaidza.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.