1 MAKORINTIYO 14:12 - Ha`bari Ndjema ya I Maore

¹² Ɗe namuna iyo wanyu wajau. Rangu muliona huɓa mudjaãliwe neema za iRoho, namuzitsahe ha uwengi, ɓadi ile ha uhodarisha iDjama Ndziwaminifu.

1 MAKORINTIYO 14:12 ပူးပေါင်းရင်းမြစ်များ

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

1 MAKORINTIYO 12:31

Ɓasi namutsahe ha djitihadi zineema zazidi muhimu. Tsena nisuja nimuoneseni indzia ndzuzuri rahana piya.

1 MAKORINTIYO 12:7

Kula mutru udjaãliwa ãlama ionehanao ya umukayo wa iRoho, ha faida ya djimla.

1 MAKORINTIYO 14:1

Ɓasi namuɗunge uv̄endza, tsena namutsahe ha kusudi neema za shiroho, hususwani ya ujudza marongozi ya shi mutrume yashukidziwa.

1 MAKORINTIYO 14:13

Iyo ɗe imana mutru alaguao ha luha yashukidziwa, alazimu afanye mamilio ile pare aitafaswiri.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 14:5

Ɓasi natsov̄endza piyanyu mulaguwe luha mwashukidziwazo, ɓadi zaidi amba mujudze marongozi ya shi mutrume yashukidziwa. Ule ajudzao marongozi ashukidziwawo, ana faida rahana ule alaguao ha luha zashukidziwa, ɓadi neka v̄wa mutru atafaswirio luha zile, pare iDjama Ndziwaminifu ihodarishihe.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.