1 MAKORINTIYO 13:13 - Ha`bari Ndjema ya I Maore

¹³ Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

1 MAKORINTIYO 13:13 ပူးပေါင်းရင်းမြစ်များ

LUKASI 10:27

Ule amuambia: «Muv̄endze Mwalaho Monyezi Mungu ha piya umo waho, ha piya iroho yaho, ha piya nguvu zaho, na ha piya ãkili zaho; tsena, umuv̄endze munyaho, mauri ɗe inamuna udziv̄endzao wawe monyewe.»

LUKASI 22:32

Ɓadi tsihumilia Mungu, ile uaminifu waho usupuhe ɓari. Na wawe, wakati itsokao amba uniregea, hodarisha wanyaho.»

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

1 MAKORINTIYO 14:1

Ɓasi namuɗunge uv̄endza, tsena namutsahe ha kusudi neema za shiroho, hususwani ya ujudza marongozi ya shi mutrume yashukidziwa.

1 MAKORINTIYO 16:14

Naike amba hari mwanyu kula trongo ifanyishihe v̄umoja na mahaɓa.

1 MAKORINTIYO 3:14

Neka ihazi mutru aifanya uju na umusingi istahamili, v̄av̄o uwo atsopara thawaɓu.

1 MAKORINTIYO 8:1

Ɓasi yahusu nyama zatolewa sadaka masanamwe, risujua amba piyasi rina ujuzi. Ujuzi, uwo uv̄inga mutru adziɓuwe, ɓadi mahaɓa, yao uhudza.

1 MAKORINTIYO 8:3

Ɓadi neka mutru asumuv̄endza Mungu, waye uwo ujulihwana na waye.

2 MAKORINTIYO 5:10

Mana piyasi, ilazimu riv̄ire hari mwa mahakama ya Kristi, ile kula mutru apare zamulazimu ulawana na izo azifanya wakati aka hari mwa umwili, neka ndjema, au mbovu.

2 MAKORINTIYO 5:15

Na neka afu ha faida ya piya, v̄av̄o pare wao walio hayi wasuẽshi tsena ha faida yawo wenyewe, ɓadi ha faida ya ule afa, tsena aregezewa hayi ha faida yawo.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

MAFILIPI 1:9

Iyo niitsahao hari mwa mamilio yangu, ɗe amba uv̄endza yanyu yendre na uzidishiha ujuzi wa kweli, na wanyu ushindra muelewe ha ukamilifu zitrongo,

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 1:5

Iyo ha siɓaɓu ya itama mwalishiwayo pev̄oni, ilio amba muikia nyuma oho ha urongozi wa ikweli, ne ɗe iIndjili.

MAKOLOSIYA 3:14

Na iɓole zaidi ya piya trongo izo, ɗe wanyu udzipindrisa iuv̄endza, ilio ɗe umutsanganiso mukamilifu.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

1 MATESALONIKA 5:8

Ɓadi wasi rilio wa mutsana, narike hashiri. Naripindre uaminifu na uv̄endza, zirihifadhwi mauri ngwezi ya shuma, na itama ya uhuyifu mauri kofia ya shuma.

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

2 TIMUTAUSU 1:7

Mana Mungu kariv̄a roho ɓaridi, ɓadi yendza ushindzi, uv̄endza na udzizia.

MAHEƁRANIYA 10:35

Mwasulatse ɓasi uaminifu wanyu ulio amba usuv̄inga thawaɓu ɓole.

MAHEƁRANIYA 10:39

Na wasi hatruju, karisi hari mwa wao wadzivurao wandra wadzipoteza, ɓadi hari mwa wao waliona uaminifu uhuyio roho zawo.

MAHEƁRANIYA 6:11

Ɓadi risutsaha amba kula moja hari mwanyu av̄enuwe djitihadi ɗe wiyo-wiyo ata mupaka mwisoni, ile itama mulionayo iyakinishihe.

MAHEƁRANIYA 6:19

iTama iyo rinayo mauri nanga hodari tsena mangavu ya iroho. Iyo ungia ata uv̄iria umusutru,

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 YUHANI 2:10

Mutru av̄endzao munyahe, uɓaki heuni, na haheju kav̄uka siɓaɓu ya umukwalisa.

1 YUHANI 2:14

Tsimuangishiani wanyu wana, mana musumujua Ɓaɓa. Tsimuangishiani wanyu maɓaɓa, mana musumujua uwo alio rangu mwandro. Tsimuangishiani mashaɓaɓi, mana wanyu wahodari, mana urongozi wa Mungu usuketsi hanyuju, amwesa mushindri uMovu.

1 YUHANI 2:24

Yahusu wanyu, ihaɓari mwaikia rangu mwandro, naiɓaki hanyuju. Neka trongo mwaikia rangu mwandro isuɓaki hanyuju, mutsoɓaki wajau hari mwa uv̄umoja na uMwana na Ɓaɓa.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.

1 YUHANI 3:9

Mutru yotsi adzalishiha shi Mungu waye kaãswi, mana ihali ya Mungu uɓaki moni hahe. Kashindri uãswi iv̄o adzalishiha shi Mungu.