1 MAKORINTIYO 13:12 - Ha`bari Ndjema ya I Maore

¹² Leo risuona mahiɓuni hari mwa shiɗo, ɓadi meso oho, maswa ha maswa. Leo nisujua pindri, ɓadi wakati uwo oho, nitsojua ha ukamilifu, mauri ɗe inamuna najulihwana.

1 MAKORINTIYO 13:12 ပူးပေါင်းရင်းမြစ်များ

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

MATIYO 5:8

Furaha ha wao waliona roho zarahara, mana watsomuona Mungu.

YUHANI 10:15

mauri ɗe inamuna Ɓaɓa anijuao, na wami nimujuao Ɓaɓa. Nisudzitoa fidia ha siɓaɓu ya maɓariɓari yangu.

MAROMU 8:18

Nisuona amba hali yotsi utsokao utungu wa wakati unu, kawastahiki ufanisiwa na utukufu utsov̄enuliwao hatruju.

1 MAKORINTIYO 13:11

Wakati naka mwana, nakolagua shi mwana, nakofikiri shi mwana, nakofahamu shi mwana. Ata ufanyiha yangu muɓole, tsilishi shi unatsa ile.

1 MAKORINTIYO 8:3

Ɓadi neka mutru asumuv̄endza Mungu, waye uwo ujulihwana na waye.

2 MAKORINTIYO 3:18

V̄av̄o wasi piya sura zafunukulwa, risuv̄enua mauri hari mwa shiɗo utukufu wa Raɓi. Risugaudziwa rike mufano ɗe uwo-uwo, rikane utukufu ju la utukufu, trongo ifanyiwao na Raɓi, alio amba waye ɗe iRoho.

2 MAKORINTIYO 5:7

Mana risendra ha uaminifu, ɓadi tsi ha uona.

MAFILIPI 3:12

Na v̄anu kaisi amba madza tsipara itrongo, au madza tsikamiliha, ɓadi nisusimamia ile niipare, iv̄o wami-wami naparihana na Kristi-Insa.

YAKOƁU 1:23

Mana neka mutru asuvulishia Urongozi amwesa kasuutria ndziani, waye ufana na mutru aangaliao sura yahe hari mwa shiɗo,

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

MUV̄ENULIO 22:4

Watsoona sura yahe, na lidzina lahe litsoka hari mwa zinguso zawo.