1 MAKORINTIYO 12:8 - Ha`bari Ndjema ya I Maore

⁸ Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

1 MAKORINTIYO 12:8 ပူးပေါင်းရင်းမြစ်များ

MATIYO 13:11

Insa awadjiɓu: «Mana wanyu mudjaãliwa ujua zisiri za Utawalizi wa Monyewe ziMbingu, ɓadi wao kawadjaãliwayo.

MAV̄INGIZI-RISALA 6:3

Ha izo wananyangu, namutsahuwe watru saɓa mengoni mwanyu warongolwao na ndjema, wajaya iRoho Ndzitwaharifu na hikima, riwadhwaminishe ihazi iyo,

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 1:5

Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

1 MAKORINTIYO 13:8

Uv̄endza kaikomo. Ɓadi ujudza marongozi ya shi mutrume yashukidziwao ina mwiso, luha zishukidziwao zitsozia, na ujuzi una mwiso.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 14:6

Ɓasi av̄asa wananyangu, neka tsimujiliani ha ulagua luha nashukidziwa, nitsomufayidishani na trini? Na yotsi, ɓadi neka nisumujudzani trongo nav̄enuliwayo, au ya hikima, au ya urongozi washukidziwa, au ya musomo.

1 MAKORINTIYO 2:11

Ɓasi mbani hari mwa uwanadamu ajuao zahusu mwanadamu, neka tsi ɗe iroho ilio moni hahe? Ɗe ha inamuna iyo wajau, kav̄u ajuao zahusu Mungu, neka tsi ɗe iRoho ya Mungu.

1 MAKORINTIYO 2:16

«Kweli amba mbani ɗe ajua iãkili ya Mola? Mbani ɗe atsojuao amuv̄e mashauri?» Ɓadi wasi, wasi rina iãkili ya Kristi.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

2 MAKORINTIYO 11:6

Neka kweli amba wami tsi mutaãlamu wa ulagua hari, ɓadi tsi ɗe hari mwa ujuzi, tsena rimuonesaniyo dhwahiri ha kula namuna na kula hali.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

2 MAKORINTIYO 4:6

Mana Mungu Monyewe arongoa: «iHeu naiwaliye ishidza», awala moni na iroho yatru, ile awalise ujuzi wa utukufu wahe Mungu hari mwa isura ya Kristi.

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

2 MAKORINTIYO 8:7

Mauri ɗe inamuna mwazidishiha hari mwa piya zitrongo: uaminifu, urongozi, ujuzi, djitihadi ya kula namuna, na yamahaɓa mwayapara ha ndzia yatru, namuzidishihe wajau hari mwa ineema ya urumishi wa utoa musada.