1 MAKORINTIYO 12:10 - Ha`bari Ndjema ya I Maore

¹⁰ Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 12:10 ပူးပေါင်းရင်းမြစ်များ

MARKUSI 16:17

Tsizini ziãlama za midjuza zitsoonehanao ha wao watsoaminio: Ha lidzina langu, watsotoa mazetwani, watsolagua luha pia watsoshukidziwaozo;

MARKUSI 16:20

Na wao walawa wajudze iHaɓari Ndjema kula v̄ahanu. Raɓi akofanya hazi v̄umoja na wao, na udhiɓitisha marongozi yao ha ziãlama za midjuza zakoyaɗunga.]

LUKASI 24:49

Na wami nitsomuv̄elesheani itrongo Ɓaɓangu aitolea wahadi. Ɓadi wanyu, namuɓaki ɗagoni ata mupaka mupindrisiwe ushindzi wa uju.»

YUHANI 14:12

Kweli, nisumuambiani ha kweli, monyewe uniamini atsofanya wajau zitrendro nizifanyao, tsena atsofanya ɓole zaidi, mana nisendra ha Ɓaɓa.

YUHANI 16:13

Ɓadi wakati itsokao amba aja, waye iRoho ya ukweli, atsomuv̄ingani hari mwa piya ukweli, mana katsorongoa ha iwaye yahe, ɓadi atsorongoa izo azikia, amwesa atsomujudzani trongo zijao.

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

MAV̄INGIZI-RISALA 11:27

Wakati uwo, watru waka washukidziwa marongozi ya Mungu wayajudze walawa Yerusalemu ha ushuka Antiyokiya.

MAV̄INGIZI-RISALA 11:28

Moja mengoni mwawo, akohiriwa Agaɓusu, ahimi, amwesa ha iRoho Ndzitwaharifu, ajudza amba v̄utsoshuka ndza ɓole hari mwa piya ishiv̄andre ya tsi. Na iyo ihidjiri wakati Klaudiyusu aka atawala.

MAV̄INGIZI-RISALA 19:6

Ɓaulusu uwakadzia yahe yimihono, na iRoho Ndzitwaharifu iwajilia. Sa ile waandrisa ulagua luha tsi zawo, na ujudza marongozi washukidziwayo na Mungu.

MAV̄INGIZI-RISALA 5:3

Sa ile Monye amuambia: «Hananiya, manatrini Shetwani ahungia rohoni haho, ata walaɓa iRoho Ndzitwaharifu ha usika fungu la ikima ya lishamba?

MAROMU 12:6

Rina tafauti za neema, zalingana na urehema radjaãliwawo. Monyewe udjaãliwa ineema ya ujudza marongozi ashukidziwa, naifanye ha uɗunga uuaminifu.

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

1 MAKORINTIYO 11:4

Mutruɓaɓa yotsi afanyao mamilio au ajudzao marongozi ashukidziwa ha ufinikia ishitswa, v̄av̄o asupua sheo shitswa wahe.

1 MAKORINTIYO 13:8

Uv̄endza kaikomo. Ɓadi ujudza marongozi ya shi mutrume yashukidziwao ina mwiso, luha zishukidziwao zitsozia, na ujuzi una mwiso.

1 MAKORINTIYO 14:13

Iyo ɗe imana mutru alaguao ha luha yashukidziwa, alazimu afanye mamilio ile pare aitafaswiri.

1 MAKORINTIYO 14:39

Ha izo wananyangu, namutsahe ujudza marongozi ya shi mutrume yashukidziwa, ɓila uɓalidza ulagua luha zashukidziwa.

MAGALATWIYA 3:5

Monyewe umudjaãliani iRoho, tsena ahidjirisao midjuza hari mwanyu, hali asuzifanya iv̄o muɗungao iSharia, au ɗe iv̄o mwakia ihaɓari ya uaminifu?

1 MATESALONIKA 5:20

Mwasudharau marongozi ya shi mutrume yashukidziwa,

MAHEƁRANIYA 2:4

Mungu waye adhiɓitisha ushahidi wawo ha ãlama za midjuza na ãdjaɓu, v̄umoja na midjuza za namuna na namuna, tsena raha ha neema za iRoho Ndzitwaharifu zaɗungana na mav̄endzeleo yahe.

1 YUHANI 4:1

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa.

MUV̄ENULIO 2:2

Wami ujua zitrendro zaho, ihazi yaho, na ustahamilivu waho. Nisujua amba wawe kushindri ustahamilia waovu. Uv̄imi wao wadzifanyao mav̄ingizi-risala ne kawasi, amwesa uwapara wanafiki.