1 MAKORINTIYO 11:19 - Ha`bari Ndjema ya I Maore

¹⁹ Kweli amba ilazimu v̄uke mifaraka hari mwanyu, ile waaminifu wa kweli hari mwanyu, wav̄enuhe.

1 MAKORINTIYO 11:19 ပူးပေါင်းရင်းမြစ်များ

MATIYO 18:7

Maondo ha ulemengu, iv̄o v̄ulio trongo zikwalisao! Lazima amba v̄uke trongo zikwalisao, ɓadi maondo ha uwo atsotsongao zije!

LUKASI 17:1

Insa aambia maswihaɓa yahe: «Kaitsomukinishiha amba v̄wasuke trongo zakwalisa watru, ɓadi maondo ha uwo atsozitsongeshao!

LUKASI 2:35

Na wawe v̄aho, utungu utsohuforoa iroho mauri uroswa tshora, ile pare zifikira za umo wa watru wengi ziv̄enuhe.»

MAV̄INGIZI-RISALA 15:5

Ɓas, ɓaãdhwi ya maaminifu waka ha yaMafarisayo|Mafarisayo wahimi, warongoa amba yakolazimu watru wa zinishani zangina watahiriwe, amwesa wafarudhwishiwe waɗunge iSharia ya Musa.

MAV̄INGIZI-RISALA 20:30

Na ata hari mwanyu v̄anu, ne v̄utsohima watru watsov̄ao misomo kayaɗunga ndzia, ile wagogore yamaswihaɓa wawaɗunge.

MAV̄INGIZI-RISALA 24:14

Ɓadi nisuhukuɓalia amba wami umuãɓudu Mungu wa wadzaɗe watru, ha uɗunga iNdzia waihirao dini ya unafiki, tsena wami uamini piya zaangihwa moni na iSharia na yimitrume.

MAV̄INGIZI-RISALA 24:5

Rifahamu amba unu mwendza shonga atriao umani hari mwa piya Mayahudi ya ulemenguni, amwesa waye mukizi-mbeli wa ishama ya dini ya unafiki ya Manazareti.

MAV̄INGIZI-RISALA 26:5

Ɓaanda wanijuao rangu shifundra, watsojua walawe ushahidi neka wasutsaha, amba tsiẽshi Mufarisayo atsimu, ha uɗunga ishama kali zaidi ya idini yatru.

MAV̄INGIZI-RISALA 28:22

Ɓadi risuona afudhwali rihuvulishiye wawe yaho na zifikira zaho, mana risujua amba ishama iyo isukanyushiwa kula v̄ahanu.»

MAV̄INGIZI-RISALA 5:17

Ɓas, uMuɓole wa yaMatolezi-Masadaka|Mutolezi-Masadaka na piya wao waka v̄umoja na waye, yaãni, watru wa ishama ya Masadukayo, wahimi na uwivu wawo,

1 MAKORINTIYO 11:20

Ɓasi mwamongulidzana, tsi amba ile murenge fuvu hari mwa uMuɗyio wa Raɓi.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

MAGALATWIYA 5:20

uãɓudu masanamwe, utsayi, uãduwi, umani, uwivu, hasera, ushifuɓa, mitsapushiano, mifarikishano,

TITUSA 3:10

Mutru atsongao mifarikishano, murudi mara ya handra, na ya v̄ili, ɓaanda ya v̄av̄o dziɓause na waye.

1 YUHANI 2:19

Walawa hatru, ɓadi kawaka watru watru. Na djeli waka watru watru, itsoka amba waɓaki na wasi. Ɓadi walawa, ile iv̄enuhe amba tsi piyawo walio watru watru.