1 MAKORINTIYO 10:13 - Ha`bari Ndjema ya I Maore

¹³ Kav̄usi djariɓu lamuparani lashilidzia uɓinadamu. Na Mungu, waye muaminifu. Katsoruhusu mwadjereɓiwa ha uzidisha izo mushindrao. Ɓadi v̄umoja na lidjariɓu, atsohetsi wajau ndzia ile mushindre mulistahamili.

1 MAKORINTIYO 10:13 ပူးပေါင်းရင်းမြစ်များ

MATIYO 6:13

Usurilishe radjereɓilwa uzainiwa, ɓadi ripukamanise na uMovu|Movu.› [Mana utawalizi, ushindzi, na utukufu, wawe ɗe Monyewe wizo daimani aɓada. Amina.]

LUKASI 11:4

Riswamihi madhambi yatru, mana wasi wajau uswamihi kula arikosao, wala usurilishe radjereɓiwa.› »

LUKASI 16:26

Amwesa raha, v̄wa ngama ɓole ɓaina ya wasi hunu na wanyu oho, ile pare wao watsotsahao walawe hunu waje hanyu oho, au walawe oho warijiliye hunu, wasushindre.›

LUKASI 22:46

«Manatrini musindziao? Namuhime mufanye mamilio, ile musuzainiwe.»

MAV̄INGIZI-RISALA 27:44

na uwasalia ɗe ha usika mbao au yamav̄aru ya lidjahazi. Ɓas, ɗe ha inamuna ile ɗe piyawo wasalimishiha, wawaswili hari mwa ishiv̄andre ya tsi.

1 MAKORINTIYO 1:9

Mungu waye muaminifu, waye amuhirani muke hari mwa uv̄umoja na uMwana wahe Insa-Kristi, Raɓi watru.

2 MAKORINTIYO 1:10

Waye ɗe arikomboa na ufa mauri ɗe uwo, tsena atsorikomboao nawo raha. Kweli rihetsi tama yatru haheju, tsena rina tama amba atsorikomboa raha.

1 MATESALONIKA 5:24

Monyewe umuhirani waye muaminifu, na waye ɗe atsoifanyao.

2 MATESALONIKA 3:3

Ɓadi Raɓi, waye muaminifu, atsomuhodarishani na umuhifadhwini na uMovu|Movu.

2 TIMUTAUSU 4:18

Raɓi atsonikomboa na kula shitrendrwa mbovu, tsena atsonihuyi ile ningiye ha usalama salimina hari mwa Utawalizi wahe pev̄oni. Utukufu naumuendreleye ha daima. Amina.

MAHEƁRANIYA 10:23

Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

MAHEƁRANIYA 11:11

Ɗe ha uaminifu ɗe Sara waye-waye, wala ukana amba aka azidi maha, av̄olwa ushindzi wa madzazi, mana amuono amba muaminifu Monyewe utoa uwahadi.

MAHEƁRANIYA 12:4

Hari mwa ushindrana yanyu kinyume na dhambi, raha kamwakingia ata mwatra damu.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

1 MONYE 4:19

Ha izo, wao waondeshehao ha yamav̄endzeleo ya Mungu, nawadhwaminishe nafusi zawo uMuumbizi alio muaminifu, ha wao urendra ndjema.

2 MONYE 2:9

Ha izo, ɓasi, Mola ushindra ahuyi na madjereɓio uwatuĩvu na uhetsi wao tsi watuĩvu hari mwa shiv̄ondro ha iSuku ya Hukuma,

1 YUHANI 1:9

Ɓadi neka risukuɓali madhambi yatru, waye muaminifu, tsena mwendza haki. Ɓasi atsoriswamihi madhambi yatru, na urirahatsa na kula uovu.

MUV̄ENULIO 19:11

Ɓas, tsiono ipev̄o iɓuha, na tsio, v̄uv̄enuha farasi ndjeu. Mutru aipandra uhiriwa Muaminifu na Kweli. Waye unamua na uwana kondro ha haki.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

MUV̄ENULIO 3:10

Rangu wasika urongozi wangu amba usuɓiri, wami wajau nitsohusika wakati wa umudjereɓio utsojao hari mwa piya ishiv̄andre ya tsi iketsiwao, pare udjereɓu uwakazi wa ishiv̄andre ya tsi.