1 MAKORINTIYO 1:9 - Ha`bari Ndjema ya I Maore

⁹ Mungu waye muaminifu, waye amuhirani muke hari mwa uv̄umoja na uMwana wahe Insa-Kristi, Raɓi watru.

1 MAKORINTIYO 1:9 ပူးပေါင်းရင်းမြစ်များ

MATIYO 24:35

uWingu na ishiv̄andre ya tsi zitsov̄ira, ɓadi marongozi yangu kayatsov̄ira.»

YUHANI 17:21

ile pare piyawo wake shitru moja, mauri ɗe wawe, Ɓaɓa, namuna ulio moni hangu, na namuna wami nilio moni haho, v̄av̄o wao wajau nawake hari mwa uv̄umoja watru, ile ulemengu uamini amba univ̄eleha.

MAROMU 11:17

Ɓadi neka ɓaãdhwi ya marahi yakatrwa wakati ulio amba wawe, muzaituni nyeha uja upatsanisiwa ɓandzaju ha marahi yale, urenge fuvu na umuzi na lidzia la umuzaituni,

MAROMU 8:28

Ha namuna yotsi wasi risujua amba trongo piya urendreha ha uwema wa wao wamuv̄endzao Mungu, wahiriwa ulingana na ikusudi yahe.

MAROMU 8:30

Na wao awahetsi rangu kaɓula, awahiri wajau; na wao awahira, awahakisha wajau; na wao awahakisha, awatukuza wajau.

MAROMU 9:24

Wasi ra moni v̄av̄o wajau, wasi rilio amba arihiri, tsi tu amba hari mwa yaMayahudi, ɓadi tsena hari mwa zinishani zangina.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 10:13

Kav̄usi djariɓu lamuparani lashilidzia uɓinadamu. Na Mungu, waye muaminifu. Katsoruhusu mwadjereɓiwa ha uzidisha izo mushindrao. Ɓadi v̄umoja na lidjariɓu, atsohetsi wajau ndzia ile mushindre mulistahamili.

1 MAKORINTIYO 10:16

Hali ishikombe ya himida rihimidiao, v̄av̄o karisurenga fuvu hari mwa idamu ya Kristi? Na lidipe rikutruao, v̄av̄o karisurenga fuvu hari mwa umwili wa Kristi?

2 MAKORINTIYO 1:18

Mauri ɗe ikweli amba Mungu waye muaminifu, marongozi ramujudzaniwo, yao tsi «Ewa» amma «Ãhã» wakati ɗe uwo-uwo.

MAGALATWIYA 1:15

Ɓadi wakati Mungu atsaha wamopara, waye alio amba anitsahua rangu mimbani ha mayangu, tsena anihira ha urehema wahe

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

MAEFESO 3:6

na iyo ɗe amba: zinishani zangina zina mwaratha ɗe uwo-uwo, wa ziga za mwili moja uwo-uwo, tsena wana fungu hari mwa uwahadi uwo-uwo hari mwa uv̄umoja wawo na Kristi-Insa, ha ndzia ya iIndjili.

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

1 MATESALONIKA 2:12

rimutriani ɓari, rimutrulidzani, rimusariɓiani ha kusudi mudziv̄inge ha namuna yamustahiki Mungu alio amba asumuhirani murenge fuvu hari mwa utawalizi wahe na utukufu wahe.

2 MATESALONIKA 2:14

Ɗe ha izo tsena ɗe amuhirani ha indzia ya Indjili yatru, ile mupare utukufu wa Raɓi watru Insa-Kristi.

2 MATESALONIKA 3:3

Ɓadi Raɓi, waye muaminifu, atsomuhodarishani na umuhifadhwini na uMovu|Movu.

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

2 TIMUTAUSU 2:13

neka karisi waaminifu, waye asuɓaki muaminifu, mana kashindri udzihara waye monyewe.

TITUSA 1:2

Ukweli uwo, ɗe itama ya uhayati mukamilifu wa daima, watolwa wahadi kaɓula ya umwandro wa yimida na Mungu tsi murongoa-trambo.

MAHEƁRANIYA 10:23

Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

MAHEƁRANIYA 11:11

Ɗe ha uaminifu ɗe Sara waye-waye, wala ukana amba aka azidi maha, av̄olwa ushindzi wa madzazi, mana amuono amba muaminifu Monyewe utoa uwahadi.

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

1 YUHANI 1:3

Trongo raiona na uikia, risumujudzaniyo wanyu wajau, ile wanyu wajau mukane uv̄umoja na wasi. Na v̄av̄o uv̄umoja watru wa na waye Ɓaɓa, na Mwana wahe Insa-Kristi.

1 YUHANI 1:7

Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.

1 YUHANI 4:13

Ha ini risujua amba ra hari mwa uv̄umoja na Mungu, na waye na wasi, ɗe iv̄o ilio amba ariv̄a fuvu hari mwa iRoho yahe.

MUV̄ENULIO 19:11

Ɓas, tsiono ipev̄o iɓuha, na tsio, v̄uv̄enuha farasi ndjeu. Mutru aipandra uhiriwa Muaminifu na Kweli. Waye unamua na uwana kondro ha haki.