1 MAKORINTIYO 1:7 - Ha`bari Ndjema ya I Maore

⁷ Ha izo, wanyu kamwakosewa na neema itsokao yotsi hari mwa umulindrilio wanyu wa umuv̄enulio wa Raɓi watru Insa-Kristi.

1 MAKORINTIYO 1:7 ပူးပေါင်းရင်းမြစ်များ

MATIYO 25:1

«Ɓas, v̄av̄o Utawalizi wa Monyewe ziMbingu utsojua ufanisiwe na wanahirimu watruwashe kumi, warenga mahombe yawo, walawa wandre wamupare ɓwana-harusi.

LUKASI 12:36

Na wanyu, namuke mauri watru walindrao murumisa wawo aregeye ulawa harusini, ile pare wamuɓuliye wakati atsoremao umulongo amba awaswili.

LUKASI 17:30

Itsoka ɗe inamuna iyo wajau isuku uMwana wa Mwanadamu atsov̄enuhao.

MAROMU 8:19

Mana ziumbe piya zisulindra na hamu uwakati wa umuv̄enulio wa uwana wa Mungu.

MAROMU 8:23

Wala tsi wizo tu ɓasi, ɓadi wasi wajau riliona yamavuna ya handra ya iRoho, wasi wajau risuulula moni hatru, ha ulindra itrongo ya ufanyiha wana, ha ukombofu wa umwili watru.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

2 MAKORINTIYO 12:13

Hari mwa trini ɗe mwaka mwav̄unguha rahana ziDjama Ndziwaminifu zasalia, neka tsi amba wami tsaka djukumani hanyu? Namuniswamihi na likosa lilo!

MAGALATWIYA 5:5

Wasi hatruju, ɗe ha uv̄ingwa na iRoho ɗe rilindrao, v̄umoja na uaminifu, umuhakisho riutumainiao.

MAFILIPI 3:20

Ɓadi wasi, uraĩa watru wa shipev̄oni, v̄ulio amba risulindra ulawa uMuhuyifu, ne ɗe Raɓi Insa-Kristi,

MAKOLOSIYA 3:4

Wakati Kristi alio uhayati wanyu atsov̄enuhao, v̄av̄o wanyu wajau mutsov̄enuha v̄umoja na waye hari mwa utukufu.

1 MATESALONIKA 1:10

na ulindra ulawa mbinguni uMwana wahe amuregeza hayi ulawa ha uwafu, ne ɗe Insa alio amba asurikomboa na zihadhaɓu zijao.

2 MATESALONIKA 1:7

tsena amuv̄eni wanyu muondeshehao, uv̄umuzi v̄umoja na wasi, wakati wa umuv̄enulio wa Raɓi Insa ulawa mbinguni v̄umoja na malayika zendza ushindzi zahe.

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

2 MONYE 3:12

ɗe mwalazimu mulindre na ujisa ha upesi iSuku ya Mungu, ilio amba zimbingu zivuao zitsoangamia, na zitru za ãswili zitsolalusiwa ha moro.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

YUDA 1:21

namudzihetsi hari mwa uv̄endza wa Mungu, ha ulindra urehema wa Raɓi watru Insa-Kristi utsoriv̄ingiao uhayati mukamilifu wa daima.