1 MAKORINTIYO 1:5 - Ha`bari Ndjema ya I Maore

⁵ Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

1 MAKORINTIYO 1:5 ပူးပေါင်းရင်းမြစ်များ

MAV̄INGIZI-RISALA 2:4

Wajadzwa piyawo na iRoho Ndzitwaharifu, ata waandrisa ulagua ha luha zangina ha inamuna iRoho yakowav̄a ushindzi walaguwe.

MAROMU 11:12

Ɓasi neka kosa lawo liv̄ingia ɓaraka ulemengu, na uwa yawo iv̄ingia ɓaraka zinishani zangina, v̄av̄o ha mara ngav̄i zaidi uhuyifu wa indadi kamili yawo utsov̄ingao ɓaraka!

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

MAROMU 15:4

Mana piya izo zaangihwa rangu zamani ziangihwa ha urifundra, pare ha isuɓira na iɓari ritrilwao na uMuangishio Mutwaharifu, rikane tama.

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 12:8

Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

1 MAKORINTIYO 13:8

Uv̄endza kaikomo. Ɓadi ujudza marongozi ya shi mutrume yashukidziwao ina mwiso, luha zishukidziwao zitsozia, na ujuzi una mwiso.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 8:11

Na ha izo tsi muhodari ule asuangamia ha ujuzi waho, waye mwananya muaminifu alio amba Kristi afu ha siɓaɓu ya waye.

2 MAKORINTIYO 4:6

Mana Mungu Monyewe arongoa: «iHeu naiwaliye ishidza», awala moni na iroho yatru, ile awalise ujuzi wa utukufu wahe Mungu hari mwa isura ya Kristi.

2 MAKORINTIYO 6:10

mauri watru wahuzunishiha, ata iv̄o rilio rahani daima; mauri masikini, ata iv̄o ritadjirisao wengi; mauri watru kawasina itsokao yotsi, ata iv̄o riliona piya.

2 MAKORINTIYO 8:7

Mauri ɗe inamuna mwazidishiha hari mwa piya zitrongo: uaminifu, urongozi, ujuzi, djitihadi ya kula namuna, na yamahaɓa mwayapara ha ndzia yatru, namuzidishihe wajau hari mwa ineema ya urumishi wa utoa musada.

2 MAKORINTIYO 9:11

Ha izo mutsotadjiriha hari mwa piya, pare muke watolezi musada wa kula namuna ha uwengi. Na umusada wanyu uwo utsov̄ingwao na wasi utsotsongesha himida ha Mungu.

MAEFESO 1:17

Ɓasi Mungu wa Raɓi watru Insa-Kristi, Ɓaɓa mwendza utukufu, namudjaãliyeni roho ya hikima na muv̄enulio, ile pare mumujuwe ha ukamilifu wahe.

MAEFESO 2:7

ile aonese hari mwa yimida yijao utadjirifu wazidishiha wa urehema wahe aridjaãliawo ha uwema wahe hari mwa uv̄umoja watru na Kristi-Insa.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAEFESO 6:19

Namunimiliye na wami wajau, pare kula namoɓua ihanyo urongozi niv̄olwewo, ile nijudze ha uhodari iãdjaɓu ya iIndjili,

MAFILIPI 1:9

Iyo niitsahao hari mwa mamilio yangu, ɗe amba uv̄endza yanyu yendre na uzidishiha ujuzi wa kweli, na wanyu ushindra muelewe ha ukamilifu zitrongo,

MAKOLOSIYA 2:3

alio amba haheju ɗe v̄wadzama piya zidafine za ihikima na za ujuzi.

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.