1 MAKORINTIYO 1:30 - Ha`bari Ndjema ya I Maore

³⁰ Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 1:30 ပူးပေါင်းရင်းမြစ်များ

MATIYO 1:21

Atsodza mwana mutruɓaɓa, na wawe utsomuhira Insa, mana waye ɗe atsohuyio umati wahe na madhambi yawo.»

LUKASI 11:49

Iyo ɗe imana iHikima ya Mungu yarongoa: ‹Nitsowav̄eleshea mitrume na Mav̄ingizi-Risala; watsoula uwasalia, watrese uwasalia.›

LUKASI 21:15

Mana nitsomuv̄ani yamarongozi na ihikima, zilio amba piya wao walio kinyume na wanyu, kawatsoshindra wamukilimbiani au wamukanyushani.

YUHANI 1:18

Kav̄u ata mutru aparomuona Mungu, ɓadi Mungu uMwana moja-moja alio v̄umoja na Ɓaɓa, ɗe amujudza.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 17:26

Tsiwajudza lidzina laho, tsena nitsowajudzalo, ile mahaɓa waniv̄endza, yake moni hawo, na wami nike moni hawo.»

YUHANI 17:8

Mana tsiwav̄a yamarongozi waniv̄ayo, tsena wayakuɓali. Wajua ha kweli amba tsilawa hahoju, tsena waamini amba univ̄eleha.

YUHANI 8:12

Ɓas, Insa alagua na idunia ile raha, awaambia: «Wami ɗe inuru ya ulemengu. Monyewe uniɗunga, ata suku ne katsendra shidzani, ɓadi atsokana inuru iv̄ao uhayati.»

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAROMU 1:17

Mana moni na iIndjili ini ɗe v̄wav̄enuha umuhakisho wa Mungu ha indzia ya uaminifu, ɓadi tsi ha trongo yangina, mauri ɗe inamuna yaangihwa moni na uMuangishio Mutwaharifu amba: «Uwo ahakishiha ha uaminifu wahe, atsokana uhayati.»

MAROMU 11:36

Mana zitru piya zilawa hahe, zija ha indzia yahe, na tsena za ha tanafu yahe. Natukuzihe ha daima! Amina.

MAROMU 12:5

Ɗe ha inamuna iyo wajau wasi rilio wengi, ra mwili moja ha uv̄umoja watru na Kristi, iv̄o piyasi rilio ziga kula moja ha wanyahe.

MAROMU 16:11

Namumusalimu mudjama zangu Herodiyana. Namusalimu watru wa umuraɓa wa Narkisi walio hari mwa uv̄umoja na Raɓi.

MAROMU 16:7

Namuwasalimu Andronikusu na Yuniyusa walio hari mwa udjama wangu, na tsena waka wanyangu shiv̄ani. Wao ustehiwa ha kusudi hari mwa yaMav̄ingizi-Risala|Mav̄ingizi-Risala, amwesa wamuamini Kristi kaɓula ya wami.

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

MAROMU 4:6

iHeli Daudu ajudzao ifuraha ya mutru alio amba ahakishiha mbeli za Mungu, wala tsi ha zitrendro, tsini:

MAROMU 5:19

Tsena, mauri ɗe ha mutru moja katuĩ, wengi wafanyiha maãswifu, ɓasi ɗe ha inamuna iyo wajau ha utuĩvu wa mutru moja, wengi watsokuɓalishiha mbeli za Mungu.

MAROMU 5:21

ile pare mauri ɗe iheli dhambi latawala ha uv̄inga uufa, ɗe ha inamuna iyo wajau ineema isutawala ha uv̄inga umuhakisho uv̄ao uhayati wa daima ha ndzia ya Insa-Kristi, Raɓi watru.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

MAROMU 8:23

Wala tsi wizo tu ɓasi, ɓadi wasi wajau riliona yamavuna ya handra ya iRoho, wasi wajau risuulula moni hatru, ha ulindra itrongo ya ufanyiha wana, ha ukombofu wa umwili watru.

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

1 MAKORINTIYO 1:2

risumuangishiani wanyu iDjama Ndziwaminifu ya Mungu ilio Korintiyo, watru watwaharishiwa hari mwa uv̄umoja na Kristi-Insa, wahiriwa wake twahara v̄umoja na piya wao waombao hari mwa kula mukaɓala lidzina la Raɓi watru Insa-Kristi, Raɓi wawo amma watru.

1 MAKORINTIYO 1:24

ɓadi ha wao wahiriwa, rangu Mayahudi ata Magiriki, Kristi waye ɗe ushindzi wa Mungu, tsena hikima ya Mungu.

1 MAKORINTIYO 12:18

Ɓadi v̄anu, Mungu ahetsi ziziga moni na umwili, kula moja ha inamuna av̄endza.

1 MAKORINTIYO 12:27

Ɓasi wanyu ɗe umwili wa Kristi, na kula moja shiga ya umwili uwo.

1 MAKORINTIYO 12:8

Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

1 MAKORINTIYO 4:15

Mana wala ukana mupara wav̄ingizi alifu kumi hari mwa uv̄umoja wanyu na Kristi, tsi amba muna maɓaɓa wengi. Mana hari mwa uv̄umoja wanyu na Kristi-Insa, wami ɗe namudzani ha ndzia ya iIndjili.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

2 MAKORINTIYO 12:2

Wami ujua mutru aliona uv̄umoja na Kristi, ina maha kumi na minne, hali aka hari mwa umwili wahe, au hali kaka, wami tsisujua, Mungu tu ɗe ajuao, namuna yotsi saɓu mutru uwo ahedzewa ata mupaka uwingu wa raru.

2 MAKORINTIYO 4:6

Mana Mungu Monyewe arongoa: «iHeu naiwaliye ishidza», awala moni na iroho yatru, ile awalise ujuzi wa utukufu wahe Mungu hari mwa isura ya Kristi.

MAGALATWIYA 1:4

alio amba adzitoa fidia ha isiɓaɓu ya madhambi yatru, ile arikombowe na uwakati movu wa leo unu, ha uɗunga ya mav̄endzeleo ya Mungu watru amma Ɓaɓatru.

MAGALATWIYA 3:13

Kristi waye arikomboa na ilaãna ya iSharia ha ufanyiha laãna ɓadala yatru. Mana v̄uangihwa: «Alaãnishiha mutru yotsi alembedzewa hari mwa muri.»

MAEFESO 1:10

ile auhidjirise wakati wamopara: ɗe utsanganisa piya, rangu zilio mbinguni ata za shiv̄andreju mwa tsi, zike utsini na Kristi, Shitswa wazo.

MAEFESO 1:14

Iyo ɗe ilio fungu la handra la umwaratha watru, ata ukamilishihe ukombofu wa wao adzipariawo, ha umusifio wa utukufu wahe.

MAEFESO 1:7

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 4:30

Musutriye huzuni iRoho Ndzitwaharifu ya Mungu, iRoho ilio amba ha wiyo muremwa muhuri wa isuku ya ukombofu.

MAEFESO 5:26

ile aitwaharishe ɓaanda airahatsa na maji ha Urongozi,

MAFILIPI 3:9

niparihane hari mwa uv̄umoja na waye, wala tsi amba ha muhakisho wangu monyewe ujao ha ulawana na iSharia, ɓadi ɗe uwo ujao ha uaminifu na Kristi, muhakisho ulawao ha Mungu, tsena waketsi hari mwa uaminifu.

MAKOLOSIYA 1:14

alio amba haheju rina ukombofu, ne ɗe umuswamaha wa yamadhambi.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

YAKOƁU 1:5

Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

1 YUHANI 5:6

Ɗe waye Insa-Kristi ɗe aja ha yamaji na idamu; tsi ha yamaji tu, ɓadi ha yamaji, tsena ha idamu; amwesa iRoho ɗe ilawao ushahidi, mana iRoho ɗe ikweli.

MUV̄ENULIO 14:4

Wao ɗe walio amba kawadzitria tsama na watruwashe, mana wana ɓikira. Wasuɗunga uMwana Ɓariɓari kula v̄ahali andrao. Wakombolwa hari mwa uwanadamu wake madzazi ya handra wa Mungu na wa uMwana Ɓariɓari.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.