1 MAKORINTIYO 1:20 - Ha`bari Ndjema ya I Maore

²⁰ A hav̄i umwendza hikima? A hav̄i umutaãlamu wa Sharia? A hav̄i umushindranifu wa lidunia lini? Hali Mungu kafanya ndzijinga ihikima ya lidunia lini?

1 MAKORINTIYO 1:20 ပူးပေါင်းရင်းမြစ်များ

MATIYO 13:22

Na uwo apara yamaela hari mwa malavu yendza miɓa, ɗe uwo akiao uurongozi, ɓadi mifikirisho ya lidunia lini na uv̄endza-mali uɓala pumu urongozi ule, ata kaudza mavuna.

YUHANI 12:31

Av̄asa ɗe uwakati wa ihukuma ya lidunia lini; av̄asa umutawalizi wa lidunia lini atsolatswa v̄ondze.

MAV̄INGIZI-RISALA 17:18

Ɓaãdhwi ya watru wakoɗunga ĩlimu ya Epikuro na Stoyiki waja walagua na waye. Wasalia wakorongoa: «Mulaguzi unu atsaha arongowe trini?» Wasalia, ha iv̄o akomujudza Insa na umuregezeo hayi, wakorongoa: «Isufana mauri asujudza miungu wadjeni.»

MAROMU 1:20

Kweli amba izo kazionehana ha Mungu, mauri ɗe ushindzi wahe kauna mupaka, na uungu wahe, zisupara zionehana dhwahiri rangu lidunia uumbwa yalo, zamoangaliwa ha iãkili hari mwa izo aziumba. Ha izo, kawasina haki itsokao yotsi.

MAROMU 1:22

Wasudzirendra wendza ãkili, ne wafanyiha wajinga.

1 MAKORINTIYO 1:19

Mana mauri ɗe iheli yaangihwa moni mwa uMuangishio Mutwaharifu: «Nitsoangamidza ihikima ya wendza hikima, nitsozima hatwi ĩlimu ya wendza ĩlimu.»

1 MAKORINTIYO 1:26

Wananyangu, namufikiri iheli mwaka wakati mwahiriwa: kav̄u wendza hikima wengi matsoni ha wanadamu, wala tsi wendza ushindzi wengi, wala tsi wengi wadzalwa hari mwa udjama wendza sheo.

1 MAKORINTIYO 1:27

Ɓadi Mungu atsahua zilio ndzijinga ulemenguni, ile ajadze haya uwendza hikima; zi tsi zendza nguvu ulemenguni, Mungu azitsahua ajadze haya zendza nguvu.

1 MAKORINTIYO 1:28

Mungu atsahua zilio ndziv̄ungufu ulemenguni, zitefulwao, izo kazisi, ile azime hatwi izo zilio,

1 MAKORINTIYO 11:32

Ɓadi ramonamulwa na Raɓi, v̄av̄o risuv̄ondrwa, ile rasuhukumulwe v̄umoja na ulemengu.

1 MAKORINTIYO 2:6

Na v̄av̄o, kweli amba risujudza hikima hari mwa watru waaminifu wakamiliha shiroho, ɓadi hikima ilio amba tsi ya ulemengu unu, wala tsi ya matawalizi wa lidunia lini, walio amba wahetsiwa wandre waangamidziwe;

1 MAKORINTIYO 2:8

Kav̄u ata mutawalizi moja wa ulemengu unu ajua hikima ini, mana na djeli waka waijua, kawatsomurema mizumari murijuRaɓi mwendza utukufu.

1 MAKORINTIYO 3:18

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.

1 MAKORINTIYO 3:19

Mana hikima ya ulemengu unu, iyo ujinga mbeli za Mungu. Mauri ɗe iheli yaangihwa moni na uMuangishio Mutwaharifu: «Waye usika wendza hikima hari mwa udjandja wawo.»

1 MAKORINTIYO 6:2

Hali kamusujua amba waaminifu watsohukumu ulemengu? Na neka ɗe ha wanyu ɗe ulemengu utsohukumulwao, kamutsostahiki uhukumu wana trongo watiti?

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.