1 MAKORINTIYO 1:17 - Ha`bari Ndjema ya I Maore

¹⁷ Mana Kristi kaniv̄eleha naɓaĩsha, ɓadi amba nijudze iIndjili, wala iyo tsi ha hikima ya urongozi, pare umuri wa pawa|muri wa pawa wa Kristi wasupuhe ushindzi.

1 MAKORINTIYO 1:17 ပူးပေါင်းရင်းမြစ်များ

YUHANI 4:1

Insa ujua yahe amba watru wa ishama ya Mafarisayo wakia amba akopara na uɓaĩsha maswihaɓa rahana Yahaya|Yahaya Muɓaĩshizi,

YUHANI 4:2

na v̄ale Insa waye yahe tsi ɗe akoɓaĩsha, ɓadi ɗe maswihaɓa yahe,

MAV̄INGIZI-RISALA 10:48

Amwesa aãmurisha waɓaĩshiwe ha lidzina la Raɓi Insa-Kristi. Ɓas, wamumia aɓaki tsena wana suku na wao.

1 MAKORINTIYO 2:1

Hanguju wananyangu, wakati naja hanyu, tsi v̄umoja na luha yendza faswaha au hikima ɗe naja namujudzani isiri yamuhusu Mungu.

1 MAKORINTIYO 2:13

Na wasi risuzilagua, tsi ha marongozi yasomedzewa na hikima ya shiuɓinadamu, ɓadi ha marongozi yasomedzewa na iRoho, na ha izo risueledza izo zilio za Roho, ha luha ya shiRoho.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

2 MAKORINTIYO 10:10

Mana isurongolesheha amba: «Maɓarua yahe madziro, tsena mahali, ɓadi amoka v̄av̄o waye-waye, waye ata tsi muhodari, na urongozi wahe tsi shitru.»

2 MAKORINTIYO 11:6

Neka kweli amba wami tsi mutaãlamu wa ulagua hari, ɓadi tsi ɗe hari mwa ujuzi, tsena rimuonesaniyo dhwahiri ha kula namuna na kula hali.

2 MAKORINTIYO 4:2

Risuhara trongo za siri zipatsao aĩɓu; karisudziv̄inga ha udjandja, wala karisuɓuzudza urongozi wa Mungu. Ɗe ikinyume amba, ha uvumbua ikweli, risudzieleha hari mwa likoho la unamuzi wa kula mwanadamu mbeli za Mungu.

2 MONYE 1:16

Kweli amba tsi ha uɗunga mahadisi yatrungwa ɗe ramujudzani ushindzi na umujilio wa Raɓi watru Insa-Kristi, ɓadi rishuhudia ha matso yatru utukufu wahe.