1 MAKORINTIYO 1:10 - Ha`bari Ndjema ya I Maore

¹⁰ Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

1 MAKORINTIYO 1:10 ပူးပေါင်းရင်းမြစ်များ

MATIYO 9:16

Mutru kareme shipandre ya shitamba pia hari mwa nguo yaɗuhwa, mana shitamba pia ile urandrua inguo ile yaɗuhwa, na ligatra litsoka ɓole zaidi.

MARKUSI 2:21

Kav̄u mutru asonao gudru la shitamba pia hari mwa nguo yaɗuhwa. Mana neka ɗe namuna iyo, gudru la shitamba pia lile litsorandrua inguo ile yaɗuhwa, na ligatra litsoka ɓole zaidi.

MARKUSI 3:24

Neka ufalume una umani muraɓani, ufalume uwo kauẽshi.

YUHANI 10:19

V̄ungia tsena mufarikishano ha yaMayahudi ha siɓaɓu ya marongozi yale.

YUHANI 17:23

wami moni hawo, na wawe moni hangu, ile wakamilishihe hari mwa uv̄umoja, na ulemengu ujuwe amba univ̄eleha, tsena amba uwav̄endze, mauri ɗe inamuna waniv̄endza.

YUHANI 7:43

Ɓasi v̄ungia mufarikishano hari mwa idunia ile ha siɓaɓu ya Insa.

YUHANI 9:16

V̄ale ɓaãdhwi ya Mafarisayo yarongoa: «Mutru uwo kala ha Mungu, mana kasustehi iSuku ya Uv̄umuzi.» Ɓadi wangina warongoa: «Ha namuna jeje muãswifu ashindrao afanye ãlama za midjuza mauri ɗe zizo?» Ɓas, mufaraka ungia hari mwawo.

MAV̄INGIZI-RISALA 4:32

iDunia ya wale waamini ifanyiha umo moja na roho moja. Kav̄waka ata mutru akorongoa amba mali yahe, yahe waye monyewe, ɓadi wakozidjimlisa piyazo.

MAROMU 1:13

Wananyangu, tsisutsaha yaka amba kamusujua amba mara nyengi nakoka na inia ya uja hanyu, ile nirundre wana mavuna hari mwanyu, mauri ɗe hari mwa zinishani zangina tsi Mayahudi; ɓadi ata upara av̄asa tsashindra.

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

MAROMU 12:16

Namuafikiane wanyu na wanyu. Musudzitsashiye utru uhu, ɓadi namudzishuhulise na uwatiti. Musudzione wendza ãkili matsoni hanyu.

MAROMU 15:30

V̄av̄o ɓasi wananyangu, nisumumiani ha uv̄umoja wa Raɓi watru Insa-Kristi na ha uv̄endza iv̄olwao na iRoho, muwane v̄umoja na wami ha unimilia Mungu,

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

1 MAKORINTIYO 1:11

Mana wananyangu, tsipara haɓari zamuhusuni ha watru wa umuraɓa wa Kloyi, amba v̄wa mitsapushiano hari mwanyu.

1 MAKORINTIYO 11:18

Raɓuzi, tsikia amba iDjama Ndziwaminifu yamongulidzana, uka mifaraka hari mwanyu, na ha uv̄andre nisuamini.

1 MAKORINTIYO 12:25

ile pare v̄wasuke mutsapushiano hari mwa umwili, ɓadi piya ziziga ziv̄ingane ha usawa.

1 MAKORINTIYO 3:3

Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

1 MAKORINTIYO 4:16

Ɓasi nisumutafadalini murenge mufano wangu.

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 13:11

Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

2 MAKORINTIYO 13:9

Wasi ufurahi ramoka walemevu, wakati ikao amba wanyu mwa wahodari; ɓasi mamilio yatru ɗe wanyu ukamilishiha, mwasukane kosa.

2 MAKORINTIYO 5:20

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAGALATWIYA 4:12

Nisumumiani wananyangu, namuke mauri wami, iv̄o nilio mauri wanyu. Kamwanifanyia mbovu itsokao yotsi.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAFILIPI 3:16

Namuna yotsi itsokao, v̄anu rawaswili, narendre mbeli na indzia wiyo-wiyo.

1 MATESALONIKA 5:13

Namuwav̄e hishima ha kusudi na mahaɓa, ha siɓaɓu ya urumishi wawo. Namukane amani wanyu na wanyu.

2 MATESALONIKA 2:1

Risumumiani wananyatru, yahusu umuregeo wa Raɓi watru Insa-Kristi na umungulidzano watru na waye,

1 TIMUTAUSU 5:21

Nisuhuosia mbeli za Mungu, mbeli za Kristi-Insa, na mbeli za zimalayika ndzitwaharifu, utuĩ ãmuri zizo pasipo ya mav̄endzeleo wala utsahulivu.

2 TIMUTAUSU 4:1

Nisuhurayi mbeli za Mungu na mbeli za Kristi-Insa atsohukumuo wao walio hayi na wao wafa, tsena ha siɓaɓu ya umuv̄enulio wahe na utawalizi wahe, amba:

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.