सेफन्‍याह 3:20 - Sunuwar Bible

²⁰ मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। सेफन्‍याह २:७; येरमीया २९:१४

सेफन्‍याह 3:20 ပူးပေါင်းရင်းမြစ်များ

भजन संग्रह 35:6

मेको आन लां छिङछिङ नु ग्रेक्‍शा थित्‍तीके दुम्‍ल। मोपा यो परमप्रभु यावे आ स्‍वर्ग ङा गेय पाइबमी खेदा पवल।

यसैया 56:5

गो मेको आन कली आं खिंमी नु आ गारोमी मिम्‍तीके नु ठेयब नें गेनुङमी। आं तमी तौ आन क्‍येङा मेको आन कली रिम्‍शो नें गेनुङमी। मेको आन कली गेना हना यो लीब नें गेनुङमी। मेको आन नें मख्रोंइसीब दुम्‍ब।

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

यसैया 60:15

ङोंइती गे प्रोंइचा पुंइसीशो नु काइ मदाक्‍चा पुंइसीशो बाक्‍ते। इ रागी रे पा सुइ मगाक्‍बाक्‍तेक्‍म। मुल गो इ कली गेना हना यो मान तपाइश्‍शा, पाला पाला सम्‍म ग्‍येरसीतीके सेल्‍नन। यसैया ४९:१४

यसैया 61:9

मिनु रागी रागी ङा मुरुम मेको आन चच युइ आन कली तुइक्‍नीम। मिनु जात जात ङा मुरुम मेको आन आल आन कली तुइक्‍नीम। मेको आन कली ताइब नेल्‍लेमी ‘मेरे परमप्रभु यावे रे पा आसीक तशो मुर बाक्‍नीम’ देंनीम।

यसैया 62:12

मिनु मेको आन कली ‘परमप्रभु यावे आ मुर नम। परमप्रभु यावे आ पाप रे प्रोंइशो मुर नम’ दे ब्रेत्‍नीम। मिनु इ कली ‘माल्‍शा, थिश्‍शो नु गेनायो मप्रोंइसीब सहर’ माइक्‍चा पुंइसीनेवे” दे कसम जशा, लोव़ पशो बाक्‍ब। यसैया ३५:१०

यसैया 62:7

परमप्रभु यावेम यरूसलेम कली बोल्‍यो नु ठेयब मसेला सम्‍म मेको कली यो नाइक्‍चा मगेन। मिनु रागी नेल्‍ल ङा मुर आन ङोंइती तुइक्‍पाइक्‍चा कली मेको पने।

यसैया 66:22

मिनु “दोपा आं सेल्‍शो नक सरीङ नु नक रागी आं ङोंइती गेना हना यो बाक्‍बा, मोपा इन नें नु इन चच युइ आन नें गेना हना यो लीनीम। यसैया ६५:१७

येरमीया 23:3

परमप्रभु यावेमी “गो आं लीशो बगाल नेल्‍ल आन कली इन खेरशो रागी रे खुप्‍शा लेश्‍शा, आन बगालम चाक्‍नुङमी। मिनु मेकोपुकी मेकेर सोशा बोशा शुश दुम्‍नीम।

येरमीया 29:14

मिनु गो इन कली थिप्‍पांइसीनुङ। इन जाम्‍शो शोंप इन कली गेनुङ। गो इन कली ग्‍याइश्‍शा लाइक्‍पाइश्‍शो रागी नेल्‍ल रे खुप्‍नुङ। तेको रागी रे इन कली ग्‍याइक्‍पदु, मेको रागीमी लेश्‍‍शा चाक्‍नन्‍नी” देंत। येरमीया ३०:३; येरमीया ३३:२६

येरमीया 30:3

आं मुर इस्राएली नु यहूदा ङा मुर आन थुं लेश्‍शा नाइक्‍चा गेतीक नाक्‍त थमा पा जाक्‍ब। मिनु गो मेको आन किकी पिपी आन कली गेशो रागीम लेंशा लाइक्‍नुङमी। मिनु मेकोपुकीमी मेको रागी आंम के सेल्‍नीम” देंत। येरमीया २९:१४

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

इजीकीएल 16:53

मिनु गो सोदोम नु आ तमी आन कली रिम्‍शो दुम्‍तीक नाक्‍ती लेश्‍शा गेनुङमी। मिनु सामरीया नु आ तमी आन कली यो मोदेंशो पाइनुङ। मिनु इ रिम्‍शो दुम्‍तीके नाक्‍ती यो लेश्‍शा गेनन। ब्‍यवस्‍था ३०:३

इजीकीएल 28:25

परमप्रभु, परमप्रभु यावेमी “गो इस्राएल आ खिं ङा मुर आन कली मेको आन ब्रशा बाक्‍शो रागी रागी ङा मुर आन दाते रे ग्रुम्‍पाइक्‍नुङमी। मिनु गो परमप्रभु यावे नङ, दे रागी रागी ङा मुर आन ङोंइती तुइक्‍पांइसीनुङ। मेना मेकोपुकी आं गेय पाइब याकूब कली गेशो रागीम बाक्‍चा ताइनीम।

इजीकीएल 34:16

गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।

इजीकीएल 37:12

मोपतीके मेको नेल्‍ल आन कली आं लोव़ पा ‘गो, परमप्रभु, परमप्रभु यावेमी तुरस रोक्‍शा, इन कली ग्रुंइनुङ। आं मुरपुकी, गो इन कली लेंशा इस्राएल रागीम चाक्‍नन्‍नी।

इजीकीएल 37:21

मेना परमप्रभु, परमप्रभु यावेमी मेको आन कली “इस्राएल ङा मुर तेको तेको रागीम लमा, गो मेको आन कली रागी नेल्‍ल रे खुप्‍नुङमी। मिनु मेको आन कली आंम आन रागीम चाक्‍नुङमी। यसैया ११:१२-१३

इजीकीएल 39:13

मिनु रागी ङा मुर नेल्‍लेमी मेको आन कली थिम्‍नीम। गो आं सक्ति कोंइदु नाक्‍ती मेको आन कली ठेयब मिम्‍तीक का दुम्‍ब।

इजीकीएल 39:28

मेना मेकोपुकीम गोन परमप्रभु यावे, आन परमप्रभु नङ, दे तुइक्‍नीम। मारदे हना गो मेको आन कली रागी रागी ङा मुर आन दातेम ग्‍याइश्‍शा लाइक्‍पाइक्‍तामी। मिनु का यो मजाम्‍चा ङा पा खुप्‍शा आन रागीम चाक्‍नुङमी।

योएल 3:1

परमप्रभु यावेमी “मेको नाक्‍ती गो यहूदा नु यरूसलेम आस रिम्‍शो दुम्‍तीक नाक्‍ती लेश्‍शा चाक्‍नुङ। होसे ७:१

आमोस 9:14

गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१

मीका 2:12

परमप्रभुमी “याकूब गो थमा पा नेल्‍ल इन कली खुप्‍शा पुक्‍नन्‍नी। गो इस्राएलम लीशो आन कली थमा पा खुप्‍नुङमी। गो मेको आन कली भेडा बगालम वोइश्‍शो खोदेंशो पा नु योव़तीकेम योव़शो खोदेंशो पा वोइक्‍नुङ। मिनु मेकेर शुश मुर दुम्‍नीम। येरमीया ३१:१०; इजीकीएल ३६:३७; यसैया ५२:१२

मीका 4:7

मिनु खोइल मदुक्‍ब आन कली लीशो मुर आन दातेम वोइक्‍नुङ। खेरचा पुंइसीशो आन कली बोल्‍यो रागी ङा मुर सेल्‍नुङमी। मिनु परमप्रभु यावेमी मेको आन कली सियोन डांडा रे गेना हना यो कली सासन पाइब।

सेफन्‍याह 2:7

मेको समुन्‍द्र आ शुंगी ङा रागी यहूदा आ खिं ङा लीशो मुर आन के दुम्‍ब। मेकोपुकीमी मेकेर आन बी ब्‍यफ, क्‍यारश भेडा योव़नीम। नाक्‍दो मेकोपुकी अश्‍कलोन आ खिंपुकीम इप्‍नीम। मारदे हना परमप्रभु यावे, आन परमप्रभुमी मेको आन कली कोव़ब। मिनु मेको आन कली ङोंइती खोदेंशो पा रिम्‍शो पा बाक्‍चा गेब” देंत। सेफन्‍याह ३:२०

सेफन्‍याह 3:19

मेना गो इन कली दिप्‍ब आन कली सजाइ गेनुङ। गो खोइल मदुक्‍ब आन कली श्‍येत रे प्रोंइ‍नुङ। मिनु ब्रशा बाक्‍शो आन कली खुप्‍नुङमी। मेको आन कली मुने तोक्‍शो रागीम आं पा ङा मान ताइब सेल्‍‍नुङमी। मीका ४:७

जकरिया 8:13

यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२

जकरिया 8:8

मिनु गो मेको आन कली यरूसलेममी बाक्‍पाइक्‍चा कली चाक्‍नुङमी। मेकोपुकी आं मुर दुम्‍नी‍म। मिनु गो मेको आन परमप्रभु दुम्‍नुङ। गो मेको आन कली दाक्‍चा मप्रोंइथु, ठीक पाइनुङ” देंत। येरमीया २४:७

मलाकी 3:12

मिनु “रागी रागी ङा मुर नेल्‍लेमी इन पर्बम ‘आसीक रशा, ग्‍येरशो मुर बाक्‍नीमी’ देंनीम। मारदे हना इन रागी थम आसीक रशो रागी दुम्‍ब” दे मुर नेल्‍ल आन परमप्रभु यावेमी देंत।

ब्‍यवस्‍था 26:18

मिनु मुलाक्‍ती परमप्रभु यावेमी इन कली ‘गो इन कली आं दाक्‍शो मुर सेल्‍ता। आं शेंशो नेल्‍ल टिचा माल्‍नीनी।

ब्‍यवस्‍था 26:19

गो आं सेल्‍शो रागी रागी आन दातेमी इन कली नेल्‍ल क्‍येङा ठेयब सेल्‍नुङ। मान पाइक्‍चा पुंइसीशा, इन नें ठेयब सेल्‍चा नु शुश दारशो सेल्‍नुङ। मिनु परमप्रभु यावे, इन परमप्रभु आ मुरपुकी दुम्‍चा माल्‍नीनी’ दे परमप्रभु यावेमी इन कली देंशो बाक्‍त” देंत। ब्‍यवस्‍था १८:१