सेफन्‍याह 3:18 - Sunuwar Bible

¹⁸ चाडमी ग्‍येरशो खोदेंशो पा कुम्‍सो पाइब। आन क्‍येङा ङोन बाक्‍ब आन कली खुप्‍नुङ। मेको इन मुर नम। आं पर्बम शुक्‍शी पाइक्‍चा पुंइसीनीम।

सेफन्‍याह 3:18 ပူးပေါင်းရင်းမြစ်များ

भजन संग्रह 43:3

इन छेङछेङ नु इन थमा पतीके सोइक्‍तीन। मिनु मेकोमी आं कली लां कोंइशा इन डांडा नु इन बाक्‍तीकेमी चाक्‍यील।

भजन संग्रह 79:4

आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। भजन संग्रह ४४:१४

येरमीया 23:3

परमप्रभु यावेमी “गो आं लीशो बगाल नेल्‍ल आन कली इन खेरशो रागी रे खुप्‍शा लेश्‍शा, आन बगालम चाक्‍नुङमी। मिनु मेकोपुकी मेकेर सोशा बोशा शुश दुम्‍नीम।

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

बिलाप 1:7

यरूसलेममी ठेयब श्‍येत जतीक नु सुर्ता पतीक नाक्‍ती जाक्‍चा क्‍येङा ङोंइती आंम के बाक्‍शो शोंप नेल्‍ल मिम्‍ब। मेको आ मुर आन जोरी सत्रु आन गुइमी गेचा पुंइसीची ना सुइमी मेको कली वारच मपाम। आ जोरी सत्रुम मेको आ श्‍येत तशा शुक्‍शी पाम्‍तेक्‍म।

इजीकीएल 34:13

गो मेको आन कली रागी रागी ङा मुर आन दाते रे ग्रुंइशा, आंम आन रागीम चाक्‍नुङमी। गो मेको आन कली इस्राएल ङा पहाड मेर, मेको आ खोला आ नेक्‍था नु मुर बाक्‍शो रागी मेर योव़नुङमी।

इजीकीएल 36:24

गो इन कली रागी रागी ङा मुर आन दाते रे ग्रुंइनुङ। मिनु राज्‍य नेल्‍ल रे इन कली खुप्‍शा, इन आंम रागीम चाक्‍नुङ।

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

होसे 1:11

मिनु यहूदा आ मुर नु इस्राएल आ मुर लेंशा गारशा का दुम्‍नीम। मिनु मेकोपुकीमी मुर का कली सासन पाइब सेल्‍नीम। मिनु मेको रागी रे ग्रूनीम। मारदे हना येज्रेल आ नाक्‍त ठेयब दुम्‍ब” देंत। यसैया ११:११-१३; येरमीया ३:१८; इजीकीएल ३७:२२

होसे 9:5

गेपुकी इन ठेयब चाड नु परमप्रभु आ चाडमी मार पाइनीनी?

सेफन्‍याह 3:20

मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। सेफन्‍याह २:७; येरमीया २९:१४