सेफन्‍याह 3:17 - Sunuwar Bible

¹⁷ परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

सेफन्‍याह 3:17 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

उत्पत्ती 18:14

गो परमप्रभु यावे नङ। गो नेल्‍ल पने चाप्‍नुङ। गो माइक्‍थ लेश्‍शा जाक्‍ङानु, सारामी तौ थिशो बाक्‍ब” देंमाक्‍त। मत्ती १९:२६; लूका १:३७

उत्पत्ती 2:2

मिनु ६ नाक्‍तीम आ गेय नेल्‍ल थुम्‍शा ङा मिन ७ नाक्‍तीम नांइसे बाक्‍त। हिब्रू ४:४

भजन संग्रह 147:11

तन्‍न परमप्रभु यावेमी आ कली मान पा हिंब नु आ गेना हना यो दाक्‍तीके कली रिम्‍ब आन कली दाक्‍ब।

भजन संग्रह 149:4

मारदे हना परमप्रभु यावे आ मुर आन पर्बम ग्‍येरसीशो बाक्‍ब। आइक्‍च मुर आन कली ग्रातीकेमी ग्‍योम्‍ब।

भजन संग्रह 78:65

मिनु नोले परमप्रभु निन्‍द्रा रे सेंसीशो खोदेंशो पा सेंसाक्‍व। लडाइ पाइब मुर अङगुर शांबु तूशा नोले रिम्‍शो दुम्‍शो खोदेंशो पा, ठेयब सेंदाम ग्रीत।

यसैया 12:2

थमा पा, परमप्रभु आं कली पाप रे प्रोंइब बाक्‍ब। गो मेको कली थमा सुइश्‍शा महिंनुङ। मारदे हना परमप्रभु यावे आं कली सक्ति नु बोल गेब बाक्‍ब। मेको आं कली श्‍येत रे प्रोंइब बाक्‍ब” दे कुम्‍सो पाइनीनी। प्रस्‍थान १५:२

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 18:4

मारदे हना परमप्रभु यावेमी आं कली “गो आं बाक्‍तीके रे पा सिक्‍सी पा कोव़नुङ। नाप्‍शो नां ङा नाक्‍त खोदेंशो नु बाली नाली रिक्‍ची ना हुप्‍शो नांमी गोस्‍स का ग्रूशो खोदेंशो पा सिक्‍सी पा कोव़शा बाक्‍नुङ।

यसैया 63:1

एदोम रे सु जाक्‍ना जाक्‍न बाक्‍बा? लल जिशो वा फेक्‍शा, बोज्रा रे जाक्‍ब सु बाक्‍मे? मेको दारशो वा फेक्‍‍शा, ठेयब सक्तिमी गाक्‍ब सु बाक्‍म। “गो ठीक पतीके लोव़ पाइनुङ। गो पाप रे प्रोंइतीक सक्ति पाइश्‍शो नङ” देंत। यसैया ३४:६

यसैया 63:12

सुमी आ सक्ति पाइश्‍शो गुइ मोसा आ ग्‍युरा गे गाक्‍चा कली वोदा? सुमी आंम कली गेना हना यो आ नें लीपाइक्‍चा कली समुन्‍द्रम लां सेला? प्रस्‍थान १४:२९

यसैया 65:19

गो यरूसलेम तशा ग्‍येरसीनुङ, आं मुर आन कली तशा, आं थुं ग्‍येरशा प्रेक्‍ब। मेना मेकेर ङाक्‍शो नु श्‍येत जशा ङाक्‍शो मनेंसीब।

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

होसे 14:4

मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।

योएल 2:21

रागी ङा मुर महिनीन। गे ग्‍येरशा सोम्‍सीशा बाक्‍कीन। परमप्रभु यावेमी ठेयब गेय पशो बाक्‍ब।

सेफन्‍याह 3:15

परमप्रभु यावेमी इ सजाइ क्‍याम्‍शा गे‍शो बाक्‍ब। मेकोमी इ जोरी सत्रु आन कली सोइश्‍शो बाक्‍ब। इस्राएली आन पिप, परमप्रभु यावे गे नु बाक्‍ब। मुल ङा मेरे गे तेकोइ श्‍येत रे हिंचा ममाल्‍नेवे। जकरिया ९:९

सेफन्‍याह 3:5

मेको आन दा‍तेम बाक्‍ब परमप्रभु यावे ठीक पाइब बाक्‍ब। मेकोमी मारेइ मरिम्‍शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्‍न ठीक मपाइबपुकी मुने दोक्‍शा लल मजिनीम।

गन्‍ती 14:8

परमप्रभु यावे गोपुकी इं कली तशा ग्‍येरसाक्‍व हना, मेकोमी इं कली मेको रागीम चाक्‍दीप्‍ब। मिनु मेको रागी दूध नु खुदो शुश बाक्‍शो रागी बाक्‍ब। मेको रागी इं कली गेब। गन्‍ती १३:२७

लूका 15:32

इ लोक्‍ब चहिं बेक्‍शा रे ब्रोंइत। जाम्‍शो रे थिस्‍साक्‍व। मोपतीके गो नेल्‍ल ग्‍येरसय’ देंमाक्‍त” दे येसुमी शेंदीमी बाक्‍त।

यूहन्‍ना 13:1

येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१

यूहन्‍ना 15:11

इन कली एको लोव़ मारदे पाता देंशा हना, आं ग्‍येरशो थुं इन थुंमी लील। मिनु इन थुं ग्‍येरसीशा बाक्‍ल, दे एको लोव़ पाता। यूहन्‍ना १७:१३

ब्‍यवस्‍था 23:15

मिनु वाइल का आ होव़प रे प्रोक्‍शा, इन बाक्‍तीकेम जाक्‍त हना, गेपुकीमी मेको कली लेंशा आ होव़प कली गेचा मदुम्‍ब।

ब्‍यवस्‍था 30:9

मिनु परमप्रभु यावे, इन परमप्रभुमी इन पतीके नेल्‍लेमी इन कली आसीक गेब। मेकोमी इन कली शुश तमी तौ, बी ब्‍यफ, क्‍यारश भेडा नु इन रू ङा अन्‍न शुश सेल्‍ब। मारदे हना परमप्रभु यावेमी इन किकी पिपी आन कली रिम्‍शो पशो खोदेंशो पा इन कली यो रिम्‍शो पचा दाक्‍ब।

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१