सेफन्‍याह 3:14 - Sunuwar Bible

¹⁴ सियोन आ तमी, ठेयब सेंदा पा कुम्‍सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्‍लेम ग्‍येरशा सोम्‍शा बाक्‍को।

सेफन्‍याह 3:14 ပူးပေါင်းရင်းမြစ်များ

नेहेम्‍याह 12:43

मेको नाक्‍त ठेयब चढ़ेतीक चढ़ेशा, शुश ग्‍येरशो बाक्‍तेक्‍म। मारदे हना परमप्रभुमी मेको आन थुं थाम्‍पा ग्‍येरपाइक्‍तु। मीश मुरपुकी नु आलपुकी यो शुश ग्‍येरसाक्‍म। मिनु यरूसलेम ङा मुर आन ग्‍येरसीशो सेंदा ङोन ङोन सम्‍म नेंसाक्‍व।

भजन संग्रह 14:7

सियोन रे इस्राएली आन ब्रोंइतीके तामेक्‍ल। परमप्रभु यावेमी आ मुर आन कली प्रोनानु, याकूब आ चच युइ, इस्राएली नेल्‍ल ग्‍येरसीमल। भजन संग्रह १२६:१

भजन संग्रह 149:2

इस्राएल आ कली सेल्‍ब आ पर्बम ग्‍येरसेक्‍ल। सियोन ङा मुर आन पिप आ पर्बम ग्‍येरसमल। भजन संग्रह १००:३; भजन संग्रह ९३:१

भजन संग्रह 97:8

परमप्रभु यावे आ निसाफ पशो नेंशा, सियोन नु यहूदा ङा सहर नेल्‍ल ग्‍येरसीनीम।

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 29:19

मिनु ब्रेम्‍शो मुर परमप्रभु यावे कली मिम्‍शा ग्‍येरसीनीम। मिनु क्‍येट मथीबपुकी इस्राएली आन परमप्रभु यावे कली मिम्‍शा थाम्‍पा ग्‍येरसीनीम।

यसैया 35:2

मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।

यसैया 37:22

परमप्रभु यावेमी सन्‍हेरीब आ पर्बम मार देंत देंशा हना ‘सियोन ङा कन्‍ने तमी इ पर्बम शुक्‍शी पा रिश्‍शो बाक्‍ब। यरूसलेम ङा तमीमी इ नोले कोव़शा, आ पिया हिक्‍शो बाक्‍ब।

यसैया 40:1

इन परमप्रभुमी “आं मुर आन कली लेम्‍दीन, लेम्‍दीन।

यसैया 40:9

“गे ठेयब डांडा ङोंइसीन। सियोन रिम्‍शो लोव़ कुरब बाक्‍ब। ठेयब सेंदा पा शेंदो। यरूसलेम रिम्‍शो लोव़ कुरब बाक्‍ब। महिंथु, ठेयब सेंदा पा शेंदो। यहूदा सहर ङा मुर आन कली ‘इन परमप्रभु एकेर बाक्‍ब’ देनो।

यसैया 51:11

परमप्रभु यावे आ प्रोंइशोपुकी लेत्‍नीम। मेकोपुकी कुम्‍सो पना पन सियोनम जाक्‍नीम। मिनु गेना हना यो ग्‍येरशा बाक्‍नीम। शुश ग्‍येरतीके, मेको आन श्‍येत नु हुक‍यी पतीके जाम्‍शा लाइ‍ब। यसैया ३५:१०

यसैया 52:9

यरूसलेम ङा ब्रेश्‍शो खिं ग्‍येरशा कुम्‍सो पने। मारदे हना परमप्रभु यावेमी आ मुर आन थुं बारपाइक्‍तु। मिनु मेकोमी यरूसलेम कली श्‍येत रे प्रोंइतु।

यसैया 54:1

मिनु परमप्रभु यावेमी “गे आल मथीब मीश मुर, कुम्‍सो पावो। आल थितीक रोइ गेनायो मपशो मीश मुर, कुम्‍सो पा ग्‍येरसो। मारदे हना ग्‍युंबे पशो मीश मुर आ आल क्‍येङा, आ का ला बाक्‍ब मीश मुर आ आल शुश दुम्‍नीम। यसैया ४९:२०; गलाती ४:२७

येरमीया 30:19

मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।

येरमीया 31:13

मेना ठिटी मीश मुर ग्‍येरशा सिल पाइनीम। ठिटा नु खाल्‍पा ग्‍येरनीम। गो मेको आन रोंका पतीके ग्‍येरतीकेम फाइक्‍नुङ। गो मेको आन थुं बार पाइश्‍शा, सुर्ता पतीक आ पा ङा ग्‍येरतीक थुं गेनुङमी।

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

योएल 2:23

गे सियोन ङा मुरपुकी ग्‍येरसीन। गेपुकी परमप्रभु यावे, इन परमप्रभु आ पर्बम शुश ग्‍येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्‍त। मेकोमी इन कली शुश रेउ गेशो बाक्‍त। ङोंइती नु नोले ङा रेउ ङोंइती खोदेंशो पा गेशो बाक्‍त। येरमीया ५:२४

मीका 4:8

आं बगाल बाक्‍तीक डांडा, सियोन आ तमी इ सांद मिग्‍दाल-एदेर सहर सम्‍म जाक्‍दीप्‍ब। गे ङोंइती ङा राज्‍य लेंशा ताइनेवे। यरूसलेम ङा तमीम आ राज्‍य लेंशा ताइ‍ब।

मत्ती 21:9

मिनु आ ङोंइती नोले गाक्‍बपुकीमी “दाऊद आ तौ कली होसन्‍ना, परमप्रभु यावे आ नेंमी जाक्‍ब कली जाइ, गे ठेयब बाक्‍नीनी” दे रेयके पा ठेयब सेल्‍ना सेल्‍न गाक्‍तेक्‍म। भजन संग्रह ११८:२५-२६