सेफन्‍याह 3:10 - Sunuwar Bible

¹⁰ मिनु आं नें ठेयब सेल्‍ब एथीयोपीया ङा खोला आइक्‍ची हांम ङा ब्रशा बाक्‍शो आं मुरपुकीमी आं कली चढ़ेतीक थोव़क चाक्‍नीम। भजन संग्रह ६८:३२; यसैया १८:१; प्रेरित ८:२७

सेफन्‍याह 3:10 ပူးပေါင်းရင်းမြစ်များ

भजन संग्रह 68:31

इजीप्‍त रे मुर जाक्‍नीम। एथीयोपीया ङा मुरपुकी परमप्रभु कली जिम्‍मा गेंसीनीम। यसैया १८:७; यसैया १९:२१; यसैया ४५:१४ प्रेरित ८:२७

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 11:12

मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।

यसैया 18:1

आबी, शुश बेरशो रेयके नेंसीशो एथीयोपीया खोला आ आइक्‍ची हांबुम बाक्‍शो रागी। सेफन्‍याह ३:१०

यसैया 18:7

मेना लाइश्‍शो नु दारशो मुरपुकीमी मुर नेल्‍ल आन परमप्रभु यावे कली मार मार चाक्‍नीम। मिनु मेको आन कली तशा ङोन नु नेक्‍था ङा मुरपुकी हिंनीम। मेकोपुकी सक्ति पाइश्‍शो नु ग्राब रागी ङा मुर बाक्‍नीम। मेको आन रागी खोलाम चेश्‍शो बाक्‍ब। मेको आन मार मार मुर नेल्‍ल आन परमप्रभु यावे आ बाक्‍तीके सियोन डांडाम चाक्‍नीम। भजन संग्रह ६८:३०-३२; प्रेरित ८:२७

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

यूहन्‍ना 7:35

मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?

प्रेरित 24:17

मिनु मुल मार देंनुङ देंशा हना, गो शुश बर्स मुर आन रागीमी हिरथ लशा, साबेर गाबेर यरूसलेम लेश्‍शा जाक्‍ती। आंम आंइ यहूदी मारेइ मथीब आन कली मार मार गेथ नु परमप्रभु यावे कली मार मार चढ़ेथ लेश्‍शा जाक्‍ती। रोमी १५:२५-२६; गलाती २:१०

प्रेरित 8:27

परमप्रभु यावे आ स्‍वर्ग ङा गेय पाइब आ लोव़ नेंशा, फिलीप छुल बोक्‍शा, गाजा सहर लतीक लां ल‍माक्‍त। मिनु मेको लां गाक्‍मेनु, एथीयोपीया रागी ङा मुर का यो मेको लां लना लन बाक्‍माक्‍त। मेको एथीयोपीया ङा पिपीम कान्‍दाके रे शुश अधिकार तशो, ठेयब मुर बाक्‍माक्‍त। यरूसलेममी परमप्रभु यावे कली मार मार चढ़ेने थुम्‍शा, आ रागी लेश्‍शो बाक्‍माक्‍त।

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

१ पत्रुस 1:1

गो येसु ख्रीस्‍त आ सोइश्‍शो पत्रुस नङ। एको चिठी पोन्‍टस, गलातीया, कापाडोसीया, एसीया नु बिथीनीया रागीम ब्रशा बाक्‍शो इस्राएल रागी ङा थमा सुइक्‍ब, इन कली ब्रेक्‍ताक्‍न्‍नी। हिब्रू १३:१४