सेफन्याह 2:7 - Sunuwar Bible7 मेको समुन्द्र आ शुंगी ङा रागी यहूदा आ खिं ङा लीशो मुर आन के दुम्ब। मेकोपुकीमी मेकेर आन बी ब्यफ, क्यारश भेडा योव़नीम। नाक्दो मेकोपुकी अश्कलोन आ खिंपुकीम इप्नीम। मारदे हना परमप्रभु यावे, आन परमप्रभुमी मेको आन कली कोव़ब। मिनु मेको आन कली ङोंइती खोदेंशो पा रिम्शो पा बाक्चा गेब” देंत। सेफन्याह ३:२० အခန်းကိုကြည့်ပါ။ |
सेफन्याह 2:7
42 ပူးပေါင်းရင်းမြစ်များ
मेकोपुकीम क्येटीम रू ग्याप्नीम। मेको आन नें ब्रेक्शो ग्याप्शो कागज, सांकछी वोइश्शा, छाप थोक्नीम। मोदेंशो बेन्यामीन आ रागी, यरूसलेम आ एर ओंथ, यहूदा ङा सहरम, पहाडीम, शेफेलाहम नु नेगेबम मोदेंशो पाइनीम। मारदे हना गो मेको आन शोंप लेश्शा गेनुङ” दे परमप्रभु यावेम देंत। येरमीया ३२:१५; येरमीया २९:१४,३०
मोपतीके मुर नेल्ल आन परमप्रभु यावे, इस्राएली आन परमप्रभुमी ‘गो ब्रोंइशा बाक्शो खोदेंशो पा, मोआब सोदोम खोदेंशो नु अम्मोन गोमोररा खोदेंशो दुम्ब। मेको आन बाक्तीके चूले वाशो नु हिक्सी खाल्टा बाक्शो रागी दुम्ब। मेको गेना हना यो मुर मबाक्तीक रागी दुम्ब। आं लीशो मुरपुकीमी मेको आन मार मार रोइक्नीम। मिनु आं रागी ङा ब्रोंइशो मुरपुकीमी मेकेर हुकुम पाइनीम। उत्पत्ती १९:२४-२५
ကြော်ငြာတွေ